وینا ملک نے مفتی قوی سے متعلق بڑا انکشاف کر دیا

کراچی(پی این آئی) پاکستان شوبز کی ماڈل، اداکارہ اورمیزبان وینا ملک نے مفتی قوی کے بارے میں انکشاف کیا ہے کہ مفتی قوی اداکاراوں کی خفیہ نگرانی کرتے ہیں او وہ ان کی ہربات سے آگاہ ہوتے ہیں۔ انہوں نے ایک دن ان کے بھی حسن وجمال کی تعریف کی تھی۔

نجی ٹی وی چینل آج نیوز کے مطابق وینا ملک نے حال ہی میں ایک پوڈ کاسٹ میں شرکت کی تھی۔ جس میں انہوں نے مختلف موضوعات ، اپنے فنی کیریئر اور دوسری شادی کے حوالے سے گفتگو کی۔ویناملک بھارت کےمشہور ریئلٹی شو ’بگ باس‘ میں بھی کام کر چکی ہیں ان کے لیے یہ تجربہ کیسا رہا؟ اس بارے میں ادا کارہ کا کہنا تھا کہ انہیں اس شو میں کام کرکے بہت مزہ آیا تھا لیکن شو کے بعد انہیں دھمکیاں بھی ملی تھیں۔اداکارہ کا کہناتھا کہ شو کرنےسے پہلے ایک تحریری معاہدہ ہوتا ہے جس میں ہر چیز واضح اندازمیں درج ہوتی ہے۔

اداکارہ نے مزید بتایا کہ شو کی شوٹنگ کیلئے گھر میں کئی کیمرے نصب ہوتے ہیں۔56 کیمرے گھر کے اندر اور کم وبیش اتنے ہی گھر کے باہر ہوتے ہیں ۔ کیمرے کے ذریعے ہر کسی کی حرکات وسکنات پر نظر رکھی جاتی ہے، جو ریکارڈ ہورہی ہوتی ہے۔بگ باس میں کام کرنے کے بعد ویناکا کہنا تھا کہ مفتی قوی نے مجھ سے اس شو کے بارے میں بہت سی باتیں کہیں اور خوب تنقید کی۔ جس پر وینا ملک آج تک حیران ہیں کہ انہیں کیسے معلوم ہوا کہ وہاں ان کے ساتھ کیا ہوا تھا۔ وینا ملک نے ان سے اسی وقت سوال پوچھا بھی تھا جس پر وہ بہت ناراض ہوئے تھے۔