لاہور(پی این آئی)بانی پی ٹی آئی عمران خان کو جیل میں فراہم غیرمعمولی سہولیات پر دیگر قیدیوں نے آئی جی جیل کو خط لکھ دیا،قیدیوں نے انہی سہولیات کے مطالبے کیلئے درخواست دیدی۔
خط میں کہا گیا ہے کہ ہمیں بھی بانی پی ٹی آئی کو اڈیالہ جیل میں حاصل مراعات جیسی سہولیات فراہم کی جائیں،جیل قوانین کے مطابق اعلیٰ درجے کےقیدیوں کو ایک ہفتے میں 2ملاقاتوں کی اجازت ہے،اسلام آباد ہائیکورٹ کی جانب سے حکم کے بعد بانی پی ٹی آئی کو ملاقات کی سہولت دی،بانی پی ٹی آئی کو ایک دن میں 6سے زائد ملاقاتیں کرنے کی اجازت دی گئی ہے،خط کے متن میں مزید کہا گیا ہے کہ بانی پی ٹی آئی کو جیل میں ایکسائز کرنے کیلئے مخصوص سائیکل بھی فراہم کی گئی ہے،بانی پی ٹی آئی کو سائیکل کی فراہمی جیل قوانین کے عین برعکس ہے،بانی پی ٹی آئی کومراعات کی فراہمی قیدیوں کیساتھ امتیازی سلوک کی واضح مثال ہے،بانی پی ٹی آئی کو آن لائن میٹنگ کی بھی سہولت حاصل ہے جو کہ جیل قوانین کی خلاف ورزی ہے۔
تازہ ترین خبروں کے لیے پی این آئی کا فیس بک پیج فالو کریں
