لاہور (آئی این پی) لاہور ہائیکورٹ نے پی ٹی آئی کو پانچ اضلاع میں جلسے، ریلیاں اور کارنر میٹنگز کی اجازت نہ دینے کے خلاف درخواست پر ڈپٹی کمشنرز کو درخواستوں پر فیصلہ کرنے کی ہدایت کرتے ہوئے درخواست نمٹا دی۔لاہور ہائیکورٹ کے جسٹس علی باقر نجفی نے پی ٹی آئی کو جلسے، ریلیاں اور کارنر میٹنگز کی اجازت نہ دینے کے خلاف زبیر کسانہ کی درخواست پر سماعت کی۔
درخواست گزار زبیر کسانہ نے عدالت میں موقف پیش کیا کہ حافظ آباد، گوجرانوالہ، شیخوپورہ، ننکانہ صاحب اور نارووال کے ڈپٹی کمشنر کو درخواستیں دیں، لیکن کسی ڈپٹی کمشنرز نے درخواستوں پر کوئی کارروائی نہیں کی۔درخواست گزار نے عدالت سے استدعا کی کہ پانچوں اضلاع کے ڈپٹی کمشنرز کو درخواستیں منظور کرنے کی ہدایت جاری کرے۔عدالت نے ریمارکس دیئے کہ الیکشن کی تاریخ آنے کے بعد قانون و آئین کے مطابق سیاسی سرگرمیاں کرنا سیاسی جماعتوں کا حق ہے، ڈپٹی کمشنرز مکمل ضابطہ اخلاق بنا کر درخواستوں پر فیصلہ کریں، الیکشن کی تاریخ کا اعلان ہوچکا ہے۔عدالت نے ڈپٹی کمشنرز کو درخواستوں پر فیصلہ کرنے کی ہدایت دیتے ہوئے درخواست نمٹا دی اور کہا کہ کچھ ہدایات کے ساتھ درخواست نمٹا رہے ہیں۔۔۔
تازہ ترین خبروں کے لیے پی این آئی کا فیس بک پیج فالو کریں
