اسلام آباد (پی این آئی) وزیر دفاع خواجہ آصف کا کہنا ہے کہ امید ہے کہ الیکشن جنوری 2024 میں ہوجائیں گے۔ جو بھی نگراں وزیراعظم ہوگا وہ ہمارے اعتماد کا آدمی ہوگا۔
نجی نیوز چینل کے پروگرام میں گفتگو کرتے ہوئے خواجہ آصف نے کہا کہ کل شام تک نگراں وزیراعظم کا فیصلہ ہوجائے گا، اس وقت بہت لوگ نگراں وزیراعظم بننے کے خواہش مند ہیں۔وزیر دفاع نے کہا کہ لوگوں کی رال ٹپک رہی ہے، لوگوں کو لگتا ہے کہ نگراں سیٹ اپ لمبا چلے گا۔ان کا کہنا تھا کہ عمران خان کے خلاف توشہ خانہ کے علاوہ بھی کئی کیسز ہیں، ہوسکتا ہے عمران خان کے خلاف نئے کیسز بھی سامنے آجائیں۔انہوں نے مزید کہا کہ سابق وزیراعظم میاں نواز شریف کو ستمبر تک پاکستان آجانا چاہیے۔
تازہ ترین خبروں کے لیے پی این آئی کا فیس بک پیج فالو کریں
