فیصل آباد(آئی این پی )وزیر مملکت برائے اطلاعات فرخ حبیب نے کہا ہے کہ ٹیکس میں کمی کرکے خوردنی تیل کی قیمت 45 سے 50 روپے کم کررہے ہیں۔ہفتہ کوفیصل آباد میں میڈیا سے گفتگو میں فرخ حبیب کا کہنا تھاکہ اس سال چینی کی پیداوار زیادہ ہوگی جبکہ مکئی کی فصل میں 18 فیصداضافہ نظر آرہاہے اور گندم کی نئی فصل میں بھی اضافہ ہوگا۔ان کا کہنا تھاکہ ہم وہ اقدامات کررہے ہیں جو 30 سال میں نہیں لیے گئے،
ٹیکس میں کمی کرکے خوردنی تیل کی قیمت 45 سے 50 روپیکم کررہے ہیں۔فرخ حبیب کا کہنا تھاکہ ہم نے یوریاکی قیمت میں استحکام رکھا، پاکستان کی برآمدات میں اضافہ ہورہاہے اور ترسیلات زرمیں 45 فیصد اضافہ ہوا، جو لوگ کہہ رہے ہیںکہ معیشت نہیں چل رہی انہیں تعصب کی عینک اتارنی چاہیے۔ان کا کہنا تھاکہ عمران خان عوام کی ترقی کیلئے کام کررہے ہیں، بلاول سے پوچھتاہوں کراچی میں آٹاکیوں مہنگا بک رہاہے؟ احساس پروگرام کا 30 فیصد سندھ میں دیاگیا۔
تازہ ترین خبروں کے لیے پی این آئی کا فیس بک پیج فالو کریں
