قومی ہیرو ارشد ندیم وطن پہنچ گئے، سیالکوٹ ائرپورٹ پر والہانہ استقبال

لاہور(آئی این پی) قومی ہیرو ارشد ندیم کا وطن واپسی پر شاندار استقبال کیا گیا۔ٹوکیو اولمپکس کے ہیرو ارشد ندیم وطن واپس پہنچ گئے، لاہور کے علامہ اقبال ائیرپورٹ پر پھولوں کی پتیاں نچھاور کرکے ارشد ندیم کا تاریخی استقبال کیا گیا۔ کھیلوں کے عالمی میلے کے جیولین تھرو ایونٹ میں ارشد ندیم نے فائنل میں پانچویں پوزیشن حاصل کی تھی۔ائیرپورٹ پر صوبائی وزیر کھیل رائے تیمور بھٹی، اتھلیٹکس فیڈریشن کے صدر اکرم ساہی اور فیڈریشن کے دوسرے عہدیداروں،ارشد ندیم کے اہل خانہ اور کھیلوں سے وابستہ دوسرے حکام قومی ہیرو کے استقبال کے لیے موجود تھے۔اس موقع پر ارشد ندیم نے سب کا شکریہ ادا کرتے ہوئے کہا کہ میڈل جیتنے کی بھرپور کوشش کی لیکن معمولی فرق سے رہ گئے، اگلے مقابلوں میں میڈل بھی ضرور جیت کر لاوں گا۔ارشد ندیم نے اپنے کوچ فیاض بخاری، اتھلیٹکس فیڈریشن، اسپورٹس بورڈ پنجاب کے تعاون کو سرایا اور کہا کہ اگر ان کی سپورٹ نہ ہوتی تو شاید وہ اس مقام تک نہ پہنچ پاتے۔ارشد ندیم کا کہنا تھا جس جس نے میرے لیے دعا کی ان سب کا شکریہ ادا کرتا ہوں، لوگوں کی دعاں کی وجہ سے ہی دنیا میں شہرت ملی۔ میں نے بہت محنت کی اور پانچویں نمبر پر آیا، سپورٹ کرنے پر پاکستان اسپورٹس بورڈ اور پنجاب اسپورٹس بورڈ کا شکر گزار ہوں، میری جو سرپرستی کی گئی اس سے مطمئن ہوں۔قومی ایتھلیٹ کا کہنا تھا جو خامیاں رہیں ان پر قابو پاکر آئندہ بہترین کھیل کا مظاہرہ کروں گا، اپنی کارکردگی سےآئندہ مداحوں کو مایوس نہیں کروں گا۔وزیر کھیل پنجاب رائے تیمور بھٹی کا اس موقع پر کہنا تھا کہ ارشد ندیم نے ہمارا سر فخر سے بلند کر دیا، ارشد ندیم نے عالمی سطح پر پاکستان کو پہچان دی۔۔۔۔