پاکستان میں کورونا وائرس کی صورتحال میں دن بدن بہتری ہونے لگی، ملک بھر میں ایکٹو کیسز کی تعدادصرف کتنی رہ گئی؟

اسلام آباد(پی این آئی) پاکستان میں کورونا وائرس کی صورتحال دن بدن بہتری کی جانب گامزن ہے اور اب تک تقریباً 96 فیصد مریض شفایاب ہوچکے ہیں۔ملک میں مجموعی کیسز کی تعداد 2 لاکھ 98 ہزار 679 ہے جس میں سے 2 لاکھ 85 ہزار 898 صحتیاب ہوئے ہیں جبکہ 6 ہزار 343 کا انتقال ہوا ہے۔ اتوار کو ملک میں

کورونا وائرس کے مزید 277 مریض اور 3 اموات کی تصدیق ہوئی جبکہ 3 ہزار 345 مریض شفایاب ہوئے، مزید یہ کہ بلوچستان کے گزشتہ روز کے 72 کیسز کی تصدیق بھی آج ہوئی۔خیال رہے کہ ملک میں کورونا وائرس کا پہلا کیس 26 فروری 2020 کو سامنے آیا تھا، جس کے بعد سے اب تک اس وبا کے کیسز کی تعداد میں بتدریج اضافہ اور کمی دیکھی گئی۔ اتوار 6 ستمبر کو ملک میں کورونا کیسز اور اموات کی صورتحال کچھ اس طرح ہے۔سندھ میں کورونا وائرس کے مزید 188 نئے کیسز اور ایک موت کی تصدیق ہوگئی۔وزیراعلیٰ کے دفتر سے جاری بیانکے مطابق صوبے میں گزشتہ 24 گھنٹوں میں ان نئے مریضوں کے اضافے کے بعد مجموعی کیسز کی تعداد ایک لاکھ 30 ہزار 671 ہوگئی۔مزید یہ کہ ایک فرد کے انتقال کرجانے سے اموات 2 ہزار 423 تک پہنچ گئیں۔ پاکستان میں آبادی کے حساب سے سب سے بڑے صوبے پنجاب میں کورونا وائرس مزید 48 افراد کو متاثر اور 2 کی جان لے گیا۔سرکاری اعداد و شمار بتانے والے پورٹل کے مطابق صوبے میں گزشتہ 24 گھنٹوں میں 48 نئے مریضوں کے بعد مجموعی کیسز 97 ہزار 166 تک پہنچ گئے۔اس کے علاوہ 2 اموات نے مجموعی تعداد کو 2 ہزار 210 تک پہنچا دیا۔وفاقی دارالحکومت اسلام آباد میں کورونا وائرس مزید 8 افراد کو متاثر کرگیا۔اعداد و شمار کے مطابق ان مریضوں کے بعد وہاں اب تک مجموعی کیسز کی تعداد 15 ہزار 734 ہوگئی۔ ملک میں دوسری نمبر پر کم متاثر علاقے گلگت بلتستان میں گزشتہ 24 گھنٹوں میں مزید 19 افراد میں کورونا وائرس کی تصدیق ہوئی۔ ان نئے مریضوں کے سامنے آنے کے بعد وہاں کیسز کی مجموعی تعداد 2 ہزار 979 تک پہنچ گئی۔ملک میں سب س کم متاثر حصے آزاد کشمیر میں کورونا وائرس مزید 14 افراد کو اپنا شکار بنا گیا۔ سرکاری پورٹل کے مطابق ان 14 مریضوں میں تصدیق سے وائرس کے

مجموعی کیسز کی تعداد 2 ہزار 327 ہوگئی۔ صحتیاب افراد میں پاکستان میں صحتیاب افراد کی شرح میں تیزی سے اضافہ ہورہا ہے اور اب تک تقریباً 96 فیصد مریض شفاپاچکے ہیں۔ گزشتہ 24 گھنٹوں میں مزید 3 ہزار 345 مریض شفایاب ہوئے جس کے بعد مجموعی تعداد 2 لاکھ 85 ہزار 898 ہوگئی۔ ملک میں عالمی وبا کے کیسز، اموات اور صحتیاب افراد کی تعداد میں اضافے کے بعد اگر مجموعی صورتحال پر نظر ڈالیں تو وہ کچھ اس طرح ہے۔مصدقہ کیسز 298679، اموات 6343،صحتیاب افراد 285898 جبکہ فعال کیسز 6438 ہیں ۔ملک میں اس وائرس سے سب سے زیادہ متاثر صوبے سندھ اور پنجاب ہیں، صوبہ سندھ میں متاثرین کی مجموعی تعداد ایک لاکھ 30 ہزار 671 ہے جبکہ پنجاب میں یہ تعداد 97 ہزار 166 تک پہنچ چکی ہے۔صوبہ خیبرپختونخوا میں کورونا وائرس سے 36 ہزار 591 افراد متاثر ہوچکے ہیں جبکہ صوبہ بلوچستان میں وبا میں مبتلا ہونے والوں کی تعداد 13 ہزار 157 ہے۔علاوہ ازیں وفاقی دارالحکومت اسلام آباد میں 15 ہزار 734، گلگت بلتستان میں 2 ہزار 979 اور کشمیر میں 2 ہزار 327 افراد عالمی وبا کا شکار ہوچکے ہیں۔ملک میں اموات کی صورتحا ل کے مطابق سندھ: 2423،پنجاب: 2210،خیبرپختونخوا: 1255 ، بلوچستان: 144، اسلام آباد: 175، آزاد کشمیر: 65، گلگت بلتستان میں 71 اموا ت ریکار کی گئی ہیں ۔