ابوظہبی(آئی این پی )کورونا وائرس کے پھیلا وکی روک تھام کے لئے دبئی ایوی ایشن نے پاکستانی مسافروں سمیت 7ملکوں پر پابندی برقرار رکھی ہے۔ تفصیلات مطابق دبئی سول ایوی ایشن حکام نے سفری پابندی کا نیا ہدایت نامہ جاری کردیا ہے،جس میں کورونا وائرس کے پھیلا ئوکی روک تھام کیلئے پاکستانی مسافروں سمیت7 ملکوں پر پابندی برقرار رکھی گئی ہے، پابندی والے ممالک میں پاکستان کے علاوہ بھارت، بنگلہ دیش، نیپال، سری لنکا، نائجیریا اور جنوبی افریقہ شامل ہیں۔نئے ہدایت نامے میں تمام ایئر لائنز کو متعلقہ ملکوں سے آنے والے مسافروں کو بورڈنگ جاری کرنے سے منع کیا گیا ہے، اور کہا گیا ہے کہ گزشتہ 14 دنوں میں ان ممالک سے یا ان ممالک کا سفرکرنے والے مسافروں کو دبئی کے لئے یا ٹرانزٹ کے لئے بورڈنگ کارڈ جاری نہ کیا جائے، بصورت دیگر خلاف ورزی میں ملوث ائرلائنز کو جرمانہ یا فضائی آپریشن کے حوالے سے کارروائی کا سامنا کرنا پڑے گا۔
