ریاض (پی این آئی)سعودی عرب میں وزارت انسانی وسائل اور سماجی ترقی نے “نطاقات” نام سے ایک نئے پروگرام کا آغاز کیا ہے جس کا مقصد مملکت میں مقامی شہریوں کے لیے 3 لاکھ 40 ہزار روزگار کے مواقع مہیا کرنا ہے۔میڈیارپورٹس کے مطابق بشہریوں کو روزگار کی فراہمی وزارت برائے انسانی وسائل کے اسٹریٹجک تبدیلیوں کے اقدامات کا ایک اہم ستون اس کے اہداف کا حصہ ہے۔ اس پروگرام کا مقصد لیبر مارکیٹ کی حکمت عملی کو آگے بڑھاتے ہوئے اسے ترقی دینا اور اور اس کی استعداد کار میں اضافہ کرتے ہوئے مرد خواتین کے لیے عمدہ اور پرکشش ملازمتوں کی فراہمی اور لیبر مارکیٹ میں ان کی شراکت میں اضافہ کرنا ہے۔نائب وزیر برائے انسانی وسائل اور سماجی ترقی ڈاکٹر عبد اللہ بن ناصر ابو ثنین نے بتایاکہ وزارت برائے انسانی وسائل آئندہ تین سال میں تین لاکھ40 ہزارملازمتیں پیدا کرنے کی کوشش کررہی ہے۔ یہ ملازمتیں سعودی شہریوں کے لیے دستیاب ہوںگی۔ ان کے علاوہ بھی ملک میں معیشت میں نئی ملازمتیں وجود میں آئیں گی۔انہوں نے مزید کہا کہ نطاقات پروگرام میں توسیع اور اس کے بہت سے پہلوں کو حل کرنے میں کامیابی کے لیے اس کی ترقی کی ضرورت ہے تاکہ لیبر مارکیٹ پر اس کے مثبت اثرات مرتب ہوں۔انہوں نے کہا کہ وزارت نے کہا کہ تیار کردہ نطاقات پروگرام میں تین اہم فوائد ہیں، پہلا آئندہ تین سالوں کے لیے ایک واضح اور شفاف لوکلائزیشن کا منصوبہ ہے ، جس کا مقصد نجی شعبے کے اداروں کے تنظیمی استحکام میں اضافہ کرنا ہے۔دوسرا ورکروں کی تعداد اور ہر ادارے کے لیے ضروری قومی تناسب کے مابین براہ راست تعلقات کا قیام ہے جو ادارے میں کارکنوں کی موجودہ فی صد لوکلائزیشن کے نظام کے بجائے تعداد کے تناسب پرقائم ہوگا۔انہوں نے مزید کہا کہ تیسری خصوصیت پروگرام کے ڈیزائن کو آسان بنانا اور مشترکہ خصوصیات کے ساتھ سرگرمیوں کی درجہ بندی کو ضم کرکے نطاقات میں 32 سرگرمیوں کی بجائے ان کی تعداد 85 کرناہے۔
