عید پر گرمی، بارش کب اور کہاں ہو گی؟

کراچی (پی این آئی)عید پر گرمی، بارش کب اور کہاں ہو گی؟۔۔۔کراچی سمیت سندھ کے بیشتر مقامات پر عیدالفطر کے ایام میں گرمی رہے گی جبکہ 14 اپریل سے بارش کا امکان ہے۔موسمیاتی تجزیہ کار جواد میمن کے مطابق سندھ کے بیشتر مقامات پر گرمی بڑھ رہی ہے، 12 اپریل تک صوبے بھر میں موسم گرم رہے گا۔انہوں نے بتایا کہ عید کے دنوں میں کراچی میں درجۂ حرارت 37 سے 38 ڈگری سینٹی گریڈ ہو سکتا ہے۔موسمیاتی تجزیہ کار جواد میمن نے بتایا ہے کہ 12 اپریل کے بعد گرمی کی شدت میں کمی کا امکان ہے، 13 یا 14 اپریل سے مغربی ہوائیں ملک کے بیشتر مقامات پر بارشوں کا باعث بنیں گی۔

ان کا کہنا ہے کہ کراچی میں بھی 14 اپریل سےبارش کا امکان ہے، یہاں ہلکی سے معتدل شدت کی بارش ہو سکتی ہے، جبکہ ملک بھر میں رواں سال اپریل میں معمول سے زائد بارشیں ہو سکتی ہیں۔موسمیاتی تجزیہ کار جواد میمن کا کہنا ہے کہ 22 یا 23 اپریل تک مزید مغربی سسٹم ملک میں بارشوں کا باعث بن سکتے ہیں، کراچی میں بھی 22 یا 23 اپریل تک بارش کا امکان رہے گا۔۔۔