نیویارک (پی این آئی) دنیا کی معروف ٹیکنالوجی کمپنی میٹا کی ذیلی کمپنی واٹس ایپ نےصارفین کے لیےانسٹنٹ میسجنگ پلیٹ فارم یوزرانٹرفیس پرکونٹیکسٹ مینیو کے ساتھ نیا کالنگ بٹن متعارف کرانے کا عندیہ دیدیا۔ سماجی رابطوں کی ایپ واٹس ایپ سے متعلق خبریں دینے والی ایپ بِیٹا انفو کے مطابق یہ نیا فیچر آئی او ایس بِیٹا ورژن 23.11.0.76چلانے والے مخصوص افراد کو دستیاب ہے اور یہ صارفین کے لیے آئندہ ہفتوں میں جاری کر دیا جائے گا۔
تاہم، اس کے متعلق کسی تاریخ کا اعلان نہیں کیا گیا ہے۔واٹس ایپ میں اس اپ ڈیٹ میں گروپ چیٹ میں ایک نیا آئیکون پیش کیا جائے گا۔یہ دراصل چیٹ ہیڈر میں موجودنیا کالنگ بٹن ہوگا جو فیچر کے آن کیے جانے پر ظاہر ہوگا۔یہ آئیکو ن گروپ کال کے لیے استعمال کیا جاسکے گا لیکن اس سے ایک کونٹیکسٹ مینیو ظاہر ہوگاجس میں2 آپشن ہوں گے، ایک ویڈیو اور دوسرا آڈیو کال کا۔ویب سائٹ کے مطابق اگر گروپ چیٹ میں آئیکون کے ساتھ ویڈیو کال بٹن جمع کے نشان کے ساتھ دِکھائی دے گا تو اس کا مطلب ہوگا کہ یہ فیچر آپ کے اکاؤنٹ کے لیے آن ہے۔
