دبئی (پی این آئی) آسٹریلیا کے کپتان ایرون فنچ نے پاکستان کے خلاف سیمی فائنل شروع ہونے سے پہلے ہی شاہین آفریدی کے باؤلنگ اٹیک کے حوالے سے خوف ظاہر کردیا۔دبئی میں صحافیوں سے گفتگو کرتے ہوئے ایرون فنچ نے کہا کہ سیمی فائنل میں کامیابی حاصل کرنے کیلئے پاکستان کے شاہین شاہ آفریدی سے نمٹنا ہوگا۔
وہ بہت اچھی فارم میں ہیں اور جلد وکٹیں لینے کی صلاحیت رکھتے ہیں ، یہ ایک اچھی لڑائی ہوگی۔انہوں نے کہا کہ مڈل اور ڈیتھ اوورز میں کوئی خاص فرق نہیں پڑتا لیکن پاور پلے کے اوورز میچ میں فرق ڈالتے ہیں۔ پورے ٹورنامنٹ میں پاور پلے نے جیتنے والی ٹیموں کی کامیابی میں اہم کردار ادا کیا ہے۔ پاکستان نے بہت اچھی کرکٹ کھیلی ہے اور انہوں نے پاور پلے میں جس طرح بیٹنگ اور باؤلنگ کی ہے وہی ان کی کامیابی کا راز ہے۔
تازہ ترین خبروں کے لیے پی این آئی کا فیس بک پیج فالو کریں
