کراچی(آئی این پی)شہر قائد اور لاہور میں بائیک سواروں نے پیٹرول کی قیمتوں میں کمی کو ناکافی قرار دیتے ہوئے مزید کمی کا مطالبہ کر دیا ہے۔ پیٹرولیم مصنوعات میں کمی پر ملک کے دو بڑے شہروں کراچی اور لاہور کے شہریوں نے ردِ عمل ظاہر کرتے ہوئے اسے خوش ا?ئند قرار دے دیا، تاہم ان کا یہ بھی کہنا ہے کہ پیٹرولیم مصنوعات میں کمی سے مہنگائی پر کوئی اثر نہیں پڑے گا۔کراچی میں بائیک سواروں نے قیمتوں میں کمی کو ناکافی قرار دیتے ہوئے مزید کمی کا مطالبہ کیا، شہریوں کا یہ بھی کہنا ہے کہ پیٹرول کی قیمتیں تو کم کر دی گئیں لیکن اب دیگر اشیائے ضروریہ کی قیمتوں میں بھی کمی لائی جائے۔
تاہم کچھ شہریوں نے پیٹرولیم مصنوعات میں کمی بیشی کے مخصوص ’’حکومتی پیٹرن‘‘ کی نشان دہی بھی کی، اور کہا کہ ابھی نو روپے کم کیے گئے ہیں چند دنوں بعد پندرہ روپے پھر بڑھا دیے جائیں گے، شہریوں نے یہ بھی کہا کہ اب تو ماضی کے برعکس ایسا ہوتا ہے کہ جب پیٹرول کی قیمتیں گرتی ہیں تو اشیا کی قیمتیں اور بڑھا دی جاتی ہیں۔لاہور میں پیٹرولیم مصنوعات کی قیمتوں میں کمی پر شہریوں کا ملا جلا رد عمل دیکھنے میں ا?یا، عوام کا کہنا تھا کہ روس سے سستا پیٹرول ا? چکا ہے لیکن عوام کے لیے کوئی ریلیف نہیں ہے، ہمارا تو خیال تھا کہ پیٹرول کی قیمتوں میں 100 روپے کمی ہوگی لیکن صرف نو روپے کمی کی گئی۔شہریوں نے کہا ایک طرف پیٹرول کی قیمت کم کی گئی تو دوسری طرف بجلی مہنگی کر دی گئی ہے، عوام کو تو حکومت ہر طرف سے پیس ہی رہی ہے۔
