کراچی(آئی این پی) الیکشن کمیشن نے سندھ بھر میں ضمنی بلدیاتی الیکشن کا شیڈول جاری کر دیا‘صوبہ میں 93 بلدیاتی نشستوں پر ‘کراچی میں یوسی چیئرمین وائس چیئرمین کی 11نشستوں پر ضمنی الیکشن ہو گا۔تفصیلات کے مطابق سندھ میں بلدیاتی الیکشن کے دوسرے مرحلے کے ضمنی بلدیاتی الیکشن کے لیے 18 اپریل کو پولنگ ہوگی۔ 22 مارچ تک بلدیاتی الیکشن کے لیے امیدوار کاغذات نامزدگی جمع کرا سکیں گے۔
سندھ بھر میں 93 بلدیاتی نشستوں پر ضمنی الیکشن ہو گا جب کہ کراچی میں یوسی چیئرمین وائس چیئرمین کی 11نشستوں پر ضمنی الیکشن ہو گا۔اس اعلان کے بعد جماعت اسلامی نے کراچی میں شیڈول دھرنے ملتوی کرنے کا فیصلہ کیا ہے۔الیکشن کمیشن کی جانب سے 2ماہ کا عرصہ گزرنے کے باوجود کراچی میں بلدیاتی انتخابی عمل مکمل نہ کر نے، ملتوی شدہ 11نشستوں پر انتخابی شیڈول کے تاحال اعلان نہ کرنے اور مکمل نتائج میں مسلسل تاخیر کے خلاف جمعہ 17مارچ کو شاہراہ فیصل سمیت شہر کی 10اہم شاہراؤں پر احتجاجی دھرنے دیے جانے تھے۔۔۔۔
