الیکشن کمیشن نے انٹرا پارٹی انتخابات اور دیگر قانونی تقاضے پورے نہ کرنے پر مزید دو سیاسی جماعتوں تحریک اتحاد اور فریڈم موومنٹ کو ڈی لسٹ کردیا۔
الیکشن کمیشن کے مطابق دونوں جماعتیں سیاسی جماعتوں سے متعلق مقررہ قواعد و ضوابط پر عملدرآمد کرنے میں ناکام رہیں۔ تحریک اتحاد اور فریڈم موومنٹ نے انٹرا پارٹی انتخابات سمیت دیگر ضروری قانونی تقاضے پورے نہیں کیے، جس کے باعث ان کے خلاف کارروائی کی گئی۔
الیکشن کمیشن کے تحت سیاسی جماعتوں کے لیے انٹرا پارٹی انتخابات کا انعقاد اور دیگر قانونی و انتخابی تقاضوں کی تکمیل لازمی ہے۔ مقررہ قواعد پر عمل نہ کرنے کی بنیاد پر کمیشن نے دونوں جماعتوں کو سیاسی جماعتوں کی فہرست سے خارج کرنے کا فیصلہ کیا ہے۔
یوں تحریک اتحاد اور فریڈم موومنٹ اب الیکشن کمیشن کی فہرست میں شامل رجسٹرڈ سیاسی جماعتوں کا حصہ نہیں رہیں۔
