پی ٹی آئی رہنما نے سیاستدانوں کو ایک قدم پیچھے ہٹنے کا مشورہ دے دیا

بھلوال(آئی این پی)سابق وفاقی وزیر مملکت برائے پارلیمینٹری افیئر اور پاکستان تحریک انصاف کے سینئر رہنما علی محمد خان نے کہا ہے کہ الیکشن سے بھاگیں گے تو غیر جمہوری طاقتیں فائدہ اٹھائیں گی، سیاستدان اپنے مسائل خود حل کریں کسی اور طرف اشارے نہ کریں۔بھلوال میں میڈیا سے گفتگو کرتے ہوئے سابق وفاقی وزیر مملکت برائے پارلیمینٹری افیئر نے کہا کہ سب سے غلطیاں ہوئی ہیں سب ایک قدم پیچھے ہٹ کر پاکستان کے مسائل کا حل نکالیں،

پوری قوم ون پوائنٹ ایجنڈے پر عمران خان کے ساتھ کھڑی ہے، کل تک ایک دوسرے کو پتھر مارنے والے اچانک گلے مل رہے ہیں کوئی بات تو ہے۔پی ٹی آئی رہنما علی محمد خان کا کہنا تھا کہ صوبہ خیبر پختونخوا اور بلوچستان دہشت گردی کا شکار ہیں لیکن قومی سلامتی کے اجلاس میں ان صوبوں کے وزرا اعلی کو نہیں بلایا گیا۔

close