اسلام آباد (پی این آئی )پنجاب پولیس کی خاتون افسر عائشہ بٹ کو بینک کی اے ٹی ایم سے نکالی گئی رقم میں جعلی نوٹ بھی موصول ہو گیا ۔ اس حوالے سے عائشہ بٹ نے خود سوشل میڈیا پر انکشاف بھی کیا ہے ۔ سماجی رابطے کی ویب سائٹ ٹویٹر پر عائشہ بٹ نے اپنے پیغام میں کہا ہے کہ’’ میرا سیلری اکائونٹ جو کہ بینک آف پنجاب میں ہے ، کل کچھ پیسے اے ٹی ایم سے نکلوائے اس میں ایک ہزار کا نوٹ جعلی نکلا ۔ انہوں نے سوال کیا ہے کہ کیابینک بھی
فیک کرنسی دیتا ہے ۔ ان کے اس سوال پر ایک صارف مدثر کی جانب سے مزاحیہ انداز میں لکھا گیا کہ ہا ہا ہا ، پولیس والوں کیساتھ بھی دھوکہ ۔ وہیں ایک اور میزان بینک کے ستائے صارف ہما ساجد شاہ نے لکھا کہ کبھی آپ نے میزان بینک کی خدمت کا موقع نہیں دیا ورنہ آپ کو بہت پہلے پتہ چل گیا ہوتا ۔ عابد جاوید نے مزاحیہ انداز میں پوچھا لیا کہ عائشہ جی کیا اس پر عید مبارک لکھا تھا ۔ ایک اور صارف کی جانب کہا گیا کہ وردی پہن کر سیدھا بینک پر چھاپہ ماریں۔
