سرحد پار سے دشمن کا پاک فوج پر حملہ، دو جوان شہید، جوابی کارروائی میں کتنے جہنم واصل ہو گئے؟ بڑی خبر آگئی

باجوڑ(پی این آئی ) افغان سرحد سے دہشتگردوں کا پاک فوج کی چوکی پر حملہ، پاک فوج کے 2جوان شہید،جوابی کارروائی میں پاک فوج نے3 دہشتگردوں کو جہنم واصل کر دیا۔ تفصیلات کے مطابق پاک افغان بارڈر پرفوجی چوکی پر حملے پر 3 دہشتگردمارے گئے جبکہ 4 زخمی ہو گئے، فائرنگ کے تبادلے میں پاک فوج کے 2 جوان بھی شہیدہو گئے۔پاک فوج کے شعبہ تعلقات آئی ایس پی آرکے مطابق پاک افغان بارڈر پر باجوڑ میں فوجی چوکی پر سرحد پارسے فائرنگ کی گئی ،دہشتگردوں نے افغان علاقے سے فوجی چوکی کو نشانہ بنایا۔جس پر پاک فوج نے دہشتگردوں کی فائرنگ کا بھرپور جواب دیا، آئی ایس پی آر کے مطابق اطلاعات کے مطابق 3 دہشتگرد ہلاک اور4 زخمی ہو گئے،فائرنگ کے تبادلے میں پاک فوج کے 2 جوان شہیدہو گئے،شہید سپاہی جمال مردان شہید اورسپاہی ایاز کا تعلق چترال سے ہے ۔پاکستان نے افغان سرزمین سے دہشتگردحملے پر شدید احتجاج کرتے ہوئے کہاکہ افغان سرزمین پاکستان کے خلاف کسی صورت استعمال نہ ہو۔اس حوالے سے ٹویٹ کرتے ہوئے وزیر داخلہ شیخ رشید نے کہا کہ ضلع باجوڑ میں سرحد پار سے پاک فوج کی چوکی پر دہشت گردوں کی فائرنگ ہوئی۔سرحد پار سے دہشت گرد کاروائی کی مذمت کرتے ہیں۔فائرنگ سے سپاہی جمال اور سپاہی ایاز کی شہادت پر دکھ کااظہار کرتا ہوں۔وطن کی خاطر جان قربان کرنے والے پاک فوج کے شہید جوانوں کو خراج تحسین پیش کرتے ہیں۔