اسلام آباد(پی این آئی )جنوبی وزیرستان میں شہید پاک فوج کے کیپٹن عبداللہ جام کے والد کی جانب سے نواز شریف، شہباز شریف اور مولانا فضل الرحمن کے لیے ایک پیغام دیا گیا ہے، میڈیا نمائندوں سے بات چیت کرتے ہوئے ان کاکہنا تھا کہ میں اللہ کا بہت شکر گزار ہوں
جس نے ہمارے خاندان کو شہادت کا رتبہ عطا کیا، میں اللہ تعالی سے راضی ہو ںاور دعا ہے کہ اللہ تعالی ہم سب سے راضی ہو جائے۔کیپٹن عبداللہ شہید کے والد کا کہنا تھا کہ میں مولانا فضل الرحمان، شہباز شریف، نواز شریف اور شاہد خاقان عباسی کو کہنا چاہتا ہوں کہ انہوں نے جو اپنے بچے انگلینڈ میں بٹھائے ہوئے ہیں ان کو بھی ذرا ادھر لائیں اور وہ بھی تھوڑا بارڈر کی ہوا کھائیں ، پہاڑوں پرگھومنے پھریں اور گولی کھائیں تاکہ انہیں بھی پتہ چلے۔ان کا مزید کہنا تھا کہ الحمداللہ میں اللہ تعالی کا لاکھ لاکھ شکر گزار ہوں اور میں اللہ تعالی سے بہت راضی ہوں کہ میرے بچے نے شہادت کا رتبہ پایا، میرے اور بھی بیٹے ہیں اگر وہ بھی اس ملک کی خاطر قربان ہو جائیں گے تو الحمداللہ میں خوش ہوں۔
