لاہور (پی این آئی) آزاد جموں و کشمیرکی پارلیمانی قیادت نے 6 ستمبر یوم دفاع پاکستانہ کے موقع پر افواج پاکستان اور شہدا۶ سے اظہار یکجہتی اور 9 مٸی کے واقعات کی شدید مذمت کی ہے اور اس عزم کا اعادہ کیاہے کہ کشمیری قوم پاکستان کی سلامتی اور دفاع کیلٸے پاک افواج اور پاکستانی عوام کےساتھ ہے۔ ہم کشمیری 9 مٸی کو جناح ہاٶس کے علاوہ دیگر قومی تنصیبات اور شہدا۶ کی یادگاروں کی بے حرمتی کے واقعات پررنجیدہ ہیں اور بھرپور مذمت کرتےہیں۔ ان خیالات کا اظہار آزاد جموں و کشمیر قانون ساز اسمبلی کے پارلیمانی وفد نے یوم دفاع پاکستان کے موقع پر جناح ہاٶس لاہور کے دورہ کے دوران کیا۔
سپیکر آزادجموں و کشمیر قانون ساز اسمبلی چوہدری لطیف اکبرکی قیادت میں دورہ کرنے والے پارلیمانی وفد میں سابق صدر آزاد کشمیر سردار یعقوب خان ، سابق وزیر اعظم آزاد کشمیر راجہ فاروق حیدر خان ، وزراءٕ حکومت جاوید اقبال بڈھانوی ، سردار جاوید ایوب، خاتون ممبر قانون ساز اسمبلی نبیلہ ایوب ایڈووکیٹ، سیکرٹری قانون ساز اسمبلی چوہدری بشارت ، معاون خصوصی ہمراہ سپیکر قانون ساز اسمبلی سید عزادار حسین کاظمی ، سابق میڈیا ایڈواٸزر حکومت آزاد کشمیر شوکت جاوید میر، پی ایس او ہمراہ سپیکر اسمبلی مصطفی اصغر، سابق پریس سیکرٹری ہمراہ وزیر اعظم آزاد کشمیر راجہ وسیم ، راجہ ارشد اور دیگر سیاسی زعما۶ شامل تھے۔ اپنے دورہ کے دوران وفد کے شرکاءٕ نے جناح ہاؤس میں مہمانوں کیلٸے رکھی گٸی کتاب پر اپنے تاثرات قلمبند کٸے۔ اس موقع پر میڈیا سے گفتگو کرتے ہوٸے آزاد جموں و کشمیر قانون ساز اسمبلی کے سپیکر چوہدری لطیف اکبر نے 9 مٸی کے شرپسندانہ اقدامات کو قابل مذمت اور قابل افسوس قراردیا اور کہا کہ ملکی سالمیت کے خلاف اقدامات اور شہدا۶ کی بے حرمتی کے مرتکب شرپسند عناصر کی سرکوبی ہونی چاہٸیے۔
انہوں نے کہا کہ افواج پاکستان ملکی دفاع کی ضامن ہیں اور قومی سلامتی کیلٸے پاکستانی و کشمیری عوام بہادر افواج پاکستانيوں کے شانہ بشانہ کھڑی ہے۔ سپیکر آزاد کشمیر قانون ساز اسمبلی چوہدری لطیف اکبر نے مزید کہا کہ آج یوم دفاع پاکستان کےموقع پر اس عہد کی تجدید کرتے ہیں کہ شہدا۶ کی قربانیاں راٸیگاں نہیں جاٸیں گی اور پاکستان کی سلامتی اور مضبوطی کیلٸے کشمیری بھی پاکستانی بھاٸیوں کے شانہ بشانہ کھڑے ہیں۔ اس موقع پر میڈیا سے گفتگو کرتے ہوٸے سابق صدر آزاد کشمیر سردار یعقوب خان نے کہا کہ 9 مٸی کے واقعات اور شہدا۶ کی یادگاروں کی بےحرمتی کے اقدامات ناقابل معافی ہیں۔ سابق وزیر اعظم آزاد کشمیرراجہ فاروق حیدر خان نے کہا کہ ہم کشمیری پاک افواج کوسلام پیش کرتے ہیں اور اس عزم کا اعادہ کرتے ہیں کہ مقبوضہ وآزاد کشمیر کے عوام افواج پاکستان کے شانہ بشانہ کھڑی ہے۔ اس موقع پر وزراءٕ حکومت جاوید اقبال بڈھانوی، سردار جاوید ایوب ، خاتون رکن اسمبلی نبیلہ ایوب ایڈووکیٹ اور دیگر ممبران نے بھی 9 مٸی کے شرپسندانہ اقدامات کو ملکی تاریخ کا سیاہ باب قرار دیا اور افواج پاکستان کو خراج تحسین پیش کیا۔۔۔۔
