ایرانی حملوں کے نتیجے میں خطے میں موجود امریکی تنصیبات پر تعینات کئی فوجی اہلکار زخمی ہوئے ہیں۔
امریکی میڈیا رپورٹس کے مطابق پینٹاگون نے بتایا ہے کہ 7 جولائی سے اب تک تقریباً 100 امریکی فوجی اہلکار مختلف نوعیت کی چوٹوں کا شکار ہوئے ہیں۔ تاہم حکام کا کہنا ہے کہ زخمی ہونے والے زیادہ تر اہلکاروں کو معمولی نوعیت کی چوٹیں آئیں اور بڑی تعداد میں فوجی دوبارہ اپنی ذمہ داریاں انجام دے رہے ہیں۔
رپورٹس کے مطابق ایران کی جانب سے مشرق وسطیٰ میں امریکی فوجی اڈوں کو نشانہ بنانے کے دوران یہ ہلاکتیں اور زخمی ہونے کے واقعات پیش آئے۔ پینٹاگون کے ترجمان نے بتایا کہ زیادہ تر زخمی اہلکار صحت یاب ہو کر ڈیوٹی پر واپس آ چکے ہیں۔
امریکی محکمہ دفاع کے مطابق حالیہ کشیدگی کے دوران متعدد امریکی فوجی ہلاک اور سیکڑوں زخمی ہوئے ہیں۔ حکام نے بعض ہلاک اہلکاروں کی شناخت بھی جاری کی ہے۔
یہ پیش رفت ایسے وقت میں سامنے آئی ہے جب امریکا اور ایران کے درمیان جاری کشیدگی میں مزید اضافہ ہو رہا ہے۔ امریکی فوج نے ایران کے خلاف مزید کارروائیاں کی ہیں، جبکہ امریکی حکام کا کہنا ہے کہ فوجیوں کی ہلاکتوں کا جواب دیا جائے گا۔
تازہ ترین خبروں کے لیے پی این آئی کا فیس بک پیج فالو کریں
