آزاد کشمیر الیکشن سے پہلے مختلف اضلاع سے سابق اراکین اسمبلی استحکام پاکستان پارٹی میں شامل ہوگئے۔
تفصیلات کے مطابق صدر آئی پی پی عبدالعلیم خان سے آزاد کشمیر کی سیاسی شخصیات کی ملاقاتیں ہوئیں،آزاد کشمیر کی مختلف جماعتوں سے مزید رہنماؤں نے آئی پی پی میں شمولیت کا اعلان کردیا۔میرپور، راولاکوٹ، پونچھ، کوٹلی اور باغ سے سابق وزراء آئی پی پی میں شامل ہوگئے،امتیاز شاہین، افتخار رشید اور عدنان سیاب خالد نے بھی آئی پی پی میں شمولیت اختیار کی۔
میرپور سے تیمور فاروق اور باغ سے آصف محمود بھی استحکام پاکستان پارٹی میں شامل ہوگئے،رئیس انقلابی، منظور ایڈووکیٹ، قمر الزمان، صدام نسیم، سردار فاران اور عاصم حمید نے بھی شمولیت اختیار کرلی۔
اس موقع پر صدر آئی پی پی عبدالعلیم خان نے پارٹی میں شمولیت اختیار کرنے والوں کا خیر مقدم کیا، عبدالعلیم خان نے پارٹی میں شامل ہونے والوں کو مبارکباد دی اور پارٹی پرچم پہنائے۔
سابق وزیر اعظم تنویر الیاس نے عبدالعلیم خان سے تمام شخصیات کا فرداً فرداً تعارف کرایا،تنویر الیاس کا کہنا تھا کہ عبدالعلیم خان کی قیادت میں آزاد کشمیر کو حقیقی ترقی سے متعارف کرائیں گے۔
تازہ ترین خبروں کے لیے پی این آئی کا فیس بک پیج فالو کریں
