چین نے پاکستان کی سفارتی کاوشوں کی مکمل حمایت کا اعلان کرتے ہوئے خطے میں امن و استحکام کے لیے ہر ممکن تعاون کی یقین دہانی کرائی ہے۔
تفصیلات کے مطابق نائب وزیراعظم و وزیر خارجہ Ishaq Dar اور چینی وزیر خارجہ کے درمیان ٹیلیفونک رابطہ ہوا، جس میں خطے کی مجموعی صورتحال اور باہمی دلچسپی کے امور پر تفصیلی تبادلہ خیال کیا گیا۔
گفتگو کے دوران دونوں رہنماؤں نے خطے میں امن کے قیام اور سفارتی روابط کے فروغ کے عزم کا اعادہ کیا۔ Ishaq Dar نے ایران اور امریکا کے درمیان مذاکرات کے لیے پاکستان کی سہولت کاری کو اپنے اصولی مؤقف کی عکاسی قرار دیا، جبکہ چینی وزیر خارجہ نے ان مذاکرات کے آغاز کا خیرمقدم کرتے ہوئے کشیدگی میں کمی کے لیے پاکستان کے مثبت کردار کو سراہا۔
پاکستان اور China نے اپنی دیرینہ اسٹریٹجک شراکت داری کو مزید مضبوط بنانے پر اتفاق کیا اور اس عزم کا اظہار کیا کہ United Nations سمیت تمام عالمی فورمز پر باہمی تعاون جاری رکھا جائے گا۔
دونوں ممالک نے فوری جنگ بندی، مذاکرات کی بحالی اور عام شہریوں کے تحفظ کی ضرورت پر زور دیا، جبکہ سمندری راستوں کے تحفظ اور عالمی قوانین خصوصاً اقوام متحدہ کے چارٹر کی پاسداری کو امن کے لیے ناگزیر قرار دیا۔
ٹیلیفونک رابطے کے دوران Afghanistan کی موجودہ صورتحال پر بھی تبادلہ خیال کیا گیا، اور اس بات پر اتفاق کیا گیا کہ وہاں پائیدار امن اور استحکام کے لیے مشترکہ کوششیں جاری رکھی جائیں گی۔
تازہ ترین خبروں کے لیے پی این آئی کا فیس بک پیج فالو کریں
