پاکستان تحریک انصاف نے اعلان کیا ہے کہ اگلے ہفتے منگل کو اڈیالہ جیل کے باہر احتجاج کیا جائے گا۔ وزیر اعلیٰ خیبر پختونخوا سہیل آفریدی کی زیرصدارت پارٹی کارکنان کا اجلاس ہوا جس میں متفقہ طور پر فیصلہ کیا گیا کہ منگل کو اڈیالہ جیل کے باہر بھرپور احتجاج کیا جائے گا۔
سہیل آفریدی نے کہا کہ منگل کے روز وہ بانی پی ٹی آئی عمران خان سے ملاقات کے لیے جائیں گے۔ اگر اس دن بھی ملاقات کی اجازت نہ دی گئی تو آئندہ کے لائحہ عمل کا اعلان کیا جائے گا۔ انہوں نے ہدایت کی کہ ہر ضلع، گاؤں اور یونین کونسل سے کارکنان کو منگل کے روز اڈیالہ جیل پہنچنا ہوگا۔ ان کا کہنا تھا کہ اس دن ہر پارلیمنٹیرین کی موجودگی لازمی ہوگی اور جو غیر حاضر رہا وہ خود ذمہ دار ہوگا۔
انہوں نے مزید کہا کہ کارکنان کو منظم انداز میں آنے کی ہدایت جاری کی جا رہی ہے تاکہ احتجاج مؤثر انداز میں کیا جاسکے۔
تازہ ترین خبروں کے لیے پی این آئی کا فیس بک پیج فالو کریں
