کراچی(پی این آئی)میئر کراچی مرتضیٰ وہاب نے رمضان المبارک میں شہر کی 246 یوسیز میں 12 ہزار سے زائد سٹریٹ لائٹس لگانے کا اعلان کردیا۔
کے ایم سی ہیڈ آفس میں اسٹریٹ لائٹس تقسیم کرنے کی تقریب سے خطاب میں مرتضیٰ وہاب نے کہا کہ پورا شہر امن و سکون کے ساتھ رمضان المبارک گزار رہا ہے، خدمت مزید مؤثر انداز میں کرنے کی ضرورت ہے،روشن کراچی کی تفصیلات کراچی والوں کے ساتھ شیئر کرنی ہے۔کراچی کی روشنیاں واپس لارہے ہیں۔ رمضان المبارک میں کراچی کی 246 یوسیز میں 12 ہزار سے زیادہ سٹریٹ لائٹس لگائی جائیں گی، تمام چیئرمینوں کو 50، 50 سٹریٹ لائٹس دی جارہی ہیں۔
“جنگ ” کے مطابق میئر کراچی نے مزید کہا کہ یہ سٹریٹ لائٹس تمام چیئرمین کو بلاامتیاز و تفریق دی گئی ہیں، کراچی کی رنگ و رعنایاں بھی واپس آرہی ہیں۔ ہر ٹاؤن میں بڑے بڑے پراجیکٹ پر کام کا آغاز کر دیا ہے، ہر ٹاؤن میں بلدیہ عظمیٰ کام کرے گی۔ بلدیہ عظمیٰ کراچی کی آمدنی کراچی کی عوام کی امانت ہے، ہم نے پچھلے ڈیڑھ سال میں سخت فیصلے کیے، پریشانیاں جو کاٹیں آپ نے اس کے ثمرات آنا شروع ہوگئے ہیں، بلدیہ عظمیٰ کراچی کی آمدنی اب بہتر ہوئی ہے۔
تازہ ترین خبروں کے لیے پی این آئی کا فیس بک پیج فالو کریں
