ویب ڈیسک(پی این آئی) ایکس (ٹوئٹر کا نیا نام) کی جانب سے صارفین کو کہا گیا ہے کہ آنے والے دنوں میں ان کے فالوورز کی تعداد میں نمایاں کمی آسکتی ہے۔
کمپنی کی جانب سے سوشل میڈیا پلیٹ فارم کو اسپام اور چیٹ بوٹس پر مبنی اکاؤنٹس کی صفائی شروع کی جا رہی ہے۔کمپنی کی جانب سے یہ اعلان ایک ایکس پوسٹ پر کیا گیا۔کمپنی نے بتایا کہ ایک بڑی مہم شروع کی جا رہی ہے جس کے تحت ایسے اکاؤنٹس کی صفائی کی جائے گی جو ایکس قوانین کی خلاف ورزی کرتے ہیں۔ایلون مسک کافی عرصے سے ایکس میں اسپام مواد کی روک تھام کے بارے میں بات کرتے رہے ہیں۔درحقیقت نومبر 2022 میں انہوں نے کہا تھا کہ اسپام مواد کی روک تھام ان کی اولین ترجیح ہے۔مگر اسپام پوسٹس کی روک تھام توقعات سے زیادہ مشکل ثابت ہوئی کیونکہ ایلون مسک نے کمپنی کی ٹرسٹ اینڈ سیفٹی ٹیم کے متعدد افراد کو فارغ کر دیا تھا۔آرٹی فیشل انٹیلی جنس (اے آئی) ٹیکنالوجی میں پیشرفت سے بھی اسپام مواد کی روک تھام زیادہ مشکل ہوگئی ہے۔
تازہ ترین خبروں کے لیے پی این آئی کا فیس بک پیج فالو کریں
