مہنگائی کے ستائے شہریوں کیلئے مزید بُری خبر آگئی

لاہور(پی این آئی) مہنگائی کم ہونے کے بجائے مزید بڑھ گئی، مرغی کی قیمت 650 روپے سے بھی اوپر چلی گئی، سبزیاں بھی مزید مہنگی ہو گئیں۔

تفصیلات کے مطابق رمضان المبارک کے 2 ہفتے گزر جانے کے باوجود مہنگائی کا طوفان کم ہونے کے بجائے مزید بڑھ گیا۔ پیاز، ٹماٹر، برائلر گوشت سمیت دیگر سبزیوں اور اشیاء کی قیمتوں میں مزید اور ہوشربا اضافہ دیکھنے میں آ رہا ہے۔پیاز کے نرخ میں 40 روپے فی کلو اضافہ ہو گیا، پیاز کا سرکاری نرخ 180 روپے فی کلو مقرر مارکیٹ میں درجہ اول مقامی پیاز 250 روپے فی کلو فروخت ہو رہا جبکہ درآمدی پیاز نرخ 180 سے 200 روپے فی کلو ہے۔ رپورٹ میں بتایا گیا کہ ٹماٹر کے نرخ میں پانچ روپے فی کلو اضافہ ہوا، ٹماٹر کا سرکاری نرخ 115 روپے فی کلو مقرر مارکیٹ میں درجہ اول ٹماٹر 150 سے 160 روپے فی کلو ہے۔

اعداد وشمار کے مطابق آلو کے قیمت53 روپے کلو مقرر ہے ، مارکیٹ میں آلو 70 روپے کلو فروخت ہو رہا، اسی طرح لہسن ادرک بدستور 650 سے 700 روپے فی کلو ،پھول گوبھی 120، بند گوبھی 100 روپے کلو، لیموں دیسی 280 اور لیموں چائنہ 150 روپے فی کلو فروخت ہورہا ہے۔ دوسری جانب برائلر کی قیمت 650 روپے کی سطح سے بھی اوپر چلی گئی جبکہ فارمی انڈوں کے نرخ بدستور273 روپے فی درجن پر مستحکم ہے۔