کراچی(آئی این پی)پی ایس109سے ایم کیوایم پاکستان کے امیدوار یاسرالدین کے الیکٹرک کے ڈیفالٹر نکلے جس کے بعد ان کے کاغذات نامزدگی مسترد کردیئے گئے۔ریٹرننگ افسر نے یاسرالدین کے کاغذات منظور نہیں کئے، یاسرالدین پر کے الیکٹرک کا ایک لاکھ روپے واجب الادا ہیں۔یاسرالدین نے آراو کو 10 ہزار روپے کی قسط ادائیگی دکھائی۔ جس پر ریٹرننگ افسر نے کہا کہ 90 ہزار روپے کا بجلی بل تاحال ادا نہیں کیا گیا۔
یاسرالدین کے کاغذات نامزدگی منظور نہیں کرسکتے۔دوسری جانب این اے 240 سے ایم کیوایم نے پی ٹی آئی کے امیدواروں پر اعتراض دائر کردیا۔ ایم کیو ایم پاکستان کے یاسر الدین نے علیم عادل شیخ، مراد شیخ، رمضان کیخلاف اعتراض دائر کیا۔انھوں نے پی ٹی آئی امیدواروں پر 9 مئی کو ہنگامہ آرائی کا الزام عائد کیا، جس پر ریٹرننگ افسر نے کہا کہ پی ٹی آئی امیدواروں کے خلاف اعتراض سنا جائے گا۔
تازہ ترین خبروں کے لیے پی این آئی کا فیس بک پیج فالو کریں
