رمضان سے قبل عوام کو بڑا ریلیف دینے کی تیاریاں، خوشخبری سنا دی

اسلام آباد (پی این آئی) یوٹیلیٹی اسٹور پر 4 ارب 99 کروڑ 70لاکھ کا رمضان ریلیف پیکج تجویز دی گئی ہے، رمضان پیکج کے تحت آٹے سمیت انیس اشیاء پر سبسڈی دینے کی تجویز پیش کی گئی ہے۔ حکومت کی جانب سے رمضان ریلیف پیکج 2023 کی تفصیلات سامنے آئی ہیں، جس کے تحت رواں سال یوٹیلیٹی اسٹور پر 4 ارب 99 کروڑ 70لاکھ کا رمضان پیکج تجویز کیا گیا ہے۔

رمضان پیکج کو ٹارگٹڈ اور ان ٹارگٹڈ سبسڈی میں تقسیم کرنے کی تجویز ہے۔ یوٹیلیٹی اسٹورز پر رمضان پیکج کے تحت انیس اشیاء پر سبسڈی دینے کی تجویز ہے، آٹے پر فی کلو 51 روپے 92 پیسے سبسڈی دینے کی تجویز ہے۔دوسری جانب ڈالر کی اونچی اڑان دوبارہ شروع ہوگئی۔انٹربینک اوراوپن مارکیٹ میں روپے کے مقابلے ڈالر مہنگا ہوا ہے۔اوپن مارکیٹ میں آج ڈالر 7 روپے مہنگا ہوا۔جس کے بعد ڈالر 267 روپے سے بڑھ کر 274 روپے کا ہوگیا۔ اسٹیٹ بینک آف پاکستان کی جانب سے جاری اعداد و شمار کے مطابق انٹربینک میں کاروبار کے اختتام پر ایک ڈالر 266.11 روپے کا ہے۔انٹر بینک میں ڈالر آج 4.61 روپے مہنگا ہوا۔ گذشتہ روز بھی انٹر بینک اور اوپن مارکیٹ میں روپے کے مقابلے ڈالر مہنگا ہو ا،مرکزی بینک کے مطابق منگل کو1.58روپے کے اضافے سے ڈالر261.50 روپے کا ہو گیا جبکہ فاریکس ایسوسی ایشن آف پاکستان کی رپورٹ کے مطابق منگل کو انٹر بینک میں ڈالر1.90 روپے اور اوپن مارکیٹ میں ڈالر1.50روپے مہنگا ہو گیا جس کے بعد انٹر بینک میں ڈالر کی قدر260روپے سے بڑھ کر261.90روپے ہو گئی اسی طرح اوپن مارکیٹ میں ڈالر کی قدر265روپے سے بڑھ کر266.50 روپے پر جا پہنچی۔

فاریکس رپورٹ کے مطابق یورو کی قدر میں 2.70روپے کا اضافہ ریکارڈ کیا گیا جس سے یورو کی قیمت فروخت 278.30 روپے سے بڑھ کر281روپے ہو گئی اسی طرح5روپے کے نمایاں اضافے سے برطانوی پونڈ کی قیمت فروخت 315روپے سے بڑھ کر320روپے پر جا پہنچی ۔گذشتہ روز اسٹاک ایکسچینج میں بھی کاروبار کا آغازمنفی نظر آیا ۔پاکستان اسٹاک ایکسچینج کا 100 انڈیکس 37 پوائنٹس کم ہونے کے بعد 40 ہزار 747 پر آگیا ہے۔جبکہ گزشتہ روز 100 انڈیکس 40 ہزار 784 پوائنٹس پر بند ہوا تھا۔