پاکستانی پرچم کی بے حرمتی برداشت نہیں، طالبان حکومت نے اپنے ہی جنگجوئوں کو سبق سکھانے کا فیصلہ سنا دیا

کابل(پی این آئی) پاکستان کی طرف سے امدادی سامان افغانستان لیکر جانے والے ٹرک سے پاکستانی جھنڈا اتارنے والے طالبان کارکنوں کو گرفتار کرلیا گیا ہے۔تفصیلات کے مطابق پاکستانی ٹرک طور خم بارڈر سے جیسے ہی افغانستان کی حدود میں داخل ہوا تو اس سے پاکستانی جھندے کو اتار دیا گیا۔اس حوالےسے ایک ویڈیو بھی وائرل ہوئی تھی۔

#BREAKING…..Those who disrespected Pakistani flag at Torkham have been arrested. “No one has the right to insult someone’s flag. This behavior will not be tolerated and strict action will be taken,” says Taliban official

— Mubashir Zaidi (@Xadeejournalist) September 21, 2021

جس میں دیکھا جاسکتا ہے کہ پاک افغان تعاون فورم کی جانب سے افغانستان کے لیے امدادی سامان سے بھرے کچھ ٹرک افغانستان بھیجے جاتے ہیں لیکن جیسے ہی یہ ٹرک طورخم سرحد عبور کرنے کے بعد افغانستان کی حدود میں داخل ہوتے ہیں تو وہاں موجود افغان طالبان ٹرک کو روک کر اس پر لگے پاکستانی پرچم اتاردیتے ہیں۔نشاندہی کے عمل کے بعد اب ان تمام طالبان کارکنوں کو گرفتار کرلیا گیا ہے جو کہ جھنڈا اتارنے میں ملوث تھے۔ویڈیو سامنے آنے پر طالبان ترجمان ذبیح اللہ مجاہد کا کہنا ہے کہ ٹرک سے پاکستانی پرچم اتارنے میں ملوث عناصر کو سخت سے سخت سزا دی جائے گی۔ اس واقعے پر پوری طالبان قیادت غصے میں ہے لہذا اس میں ملوث افراد کو جلد ہی گرفتار کیا جائے گا اور سخت سے سخت سزا دے جائے گی۔