لاہور(آئی ا ین پی) مسلم لیگ (ن) کے رہنما کیپٹن ریٹائرڈ صفدر نے کہا ہے کہ آج پاکستان میں پٹواریوں کی حکومت ہے‘ میں سیاسی حالات اور موجودہ صورتحال پر کتاب لکھ رہا ہوں۔ منگل کے روز میڈیا سے گفتگو کرتے ہوئے انہوں نے کہا کہ میں جے آئی ٹی کے روبرو اپنے اثاثے بتا چکا ہوں مجھ سے پوچھتے ہیں تمہارا
ذریعہ آمدن کیا ہے۔ میں تو تین سو سال پیچھے کا ریکارڈ دے رہا ہوں۔ انہوں نے مزید کہا کہ یہ مجھے نااہل قرار دینا چاہتے ہیں لیکن میں پاکستان کیلئے اہل ہوں حکومت پر تنقید کرتے ہوئے محمد صفدر نے کہا کہ آج پاکستان میں پٹواریوں کی حکومت ہے سب چابی گروپ ہے میں سیاسی حالات اور موجودہ صورتحال پر کتاب لکھ رہا ہوں۔۔۔سینیٹ الیکشن میں اپوزیشن کو سرپرائز دیں گے،
عثمان بزدار نے تہلکہ مچا دیلاہور(آئی این پی ) وزیراعلی پنجاب عثمان بزدار نے کہا ہے کہ سینیٹ الیکشن میں اپوزیشن کو سرپرائز دیں گے، اوپن بیلٹ پر اپوزیشن کی دوغلی پالیسی عوام کی سامنے عیاں ہو چکی ہے۔ تفصیلات وزیر اعلی پنجاب سے اراکین قومی و صوبائی اسمبلی نے ملاقات کی، جس میں منتخب نمائندوں نے عثمان بزدار کو اپنے حلقوں کے مسائل سے آگاہ کیا۔ وزیراعلی پنجاب نے اراکین اسمبلی کے مسائل نوٹ کئے اور حل کرنے کی یقین دہانی کرائی، ملاقات میں سیاسی امور اور سینیٹ کے انتخابات کے حوالے سے بھی بات چیت کی گئی۔ اس موقع پر عثمان بزدار کا کہنا تھا کہ حلقوں کے مسائل کے حل کے لئے لائحہ عمل بنا لیا، منتخب نمائندوں کی مشاورت سے مسائل حل کریں گے، عوام صرف ترقی اور اپنے مسائل کا حل چاہتے ہیں، قوم کو انتشار کی سیاست میں کوئی دلچسپی نہیں، پی ڈی ایم اب قصہ پارینہ بن چکی ہے، آر پار اور استعفوں
کی سیاست اپنی موت آپ مر چکی ہے۔ وزیراعلی پنجاب نے کہا کہ اوپن بیلٹ کی مخالفت کرنے والوں کو سینیٹ الیکشن میں بھی منہ کی کھانا پڑے گی، اڑھائی برس میں اپوزیشن نے صرف مخالفت برائے مخالفت کی سیاست کی، ہمارے ڈھائی برس خدمت، شفافیت اور دیانت کی گواہی دے رہے ہیں، عوام کل بھی پی ٹی آئی کے ساتھ تھے اور آج بھی ساتھ ہیں، تحریک انصاف کی حکومت ملک کی ترقی و خوشحالی کا ایجنڈا لیکر آئی ہے۔ عثمان بزدار نے مزید کہا کہ تحریک انصاف کی حکومت نے نظام کو تبدیل کرنے کیلئے بنیادی اصلاحات متعارف کرائی ہیں، ہماری ترجیح انسانی وسائل کی پائیدار ترقی ہے، وسائل کا رخ عام آدمی کی بنیادی ضروریات کو پورا کرنے کی جانب موڑ دیا ہے۔۔۔۔
تازہ ترین خبروں کے لیے پی این آئی کا فیس بک پیج فالو کریں
