امریکہ میں کورونا ویکسین کی تیاری کس مرحلے پر ہے؟ امریکی اخبار نے بڑا دعویٰ کر دیا

واشنگٹن (پی این آئی)امریکہ میں کورونا ویکسین کی تیاری کس مرحلے پر ہے؟ امریکی اخبار نے بڑا دعویٰ کر دیا، امریکہ میں اس وقت ایسٹرازینیکا، مارڈرنا اور فیزر نامی تین کمپنیوں کی جانب سے کورونا وائرس کے ویکیسن کے تیسرے مرحلے کا کلینکل ٹیسٹ کیا جارہا ہے۔امریکہ کی فوڈ اور ڈرگ ایڈمنسٹریشن کے

سربراہ اسٹیفن ہون نے کہا ہے کہ اگر تیسرے مرحلے کے کلینکل ٹرائل کے بہتر نتائج آئے تو امید ہے کہ اس کی تکیمل سے قبل ہی کورونا کے کسی ویکسین کو رجسٹرڈ کیا جاسکتا ہے۔امریکی اخبار فنانشل ٹائمز کی گزشتہ روز شائع ہونے والی ایک رپورٹ کے مطابق مسٹر ہان نے یہ بات ایک انٹرویو میں کہی۔ ان کا کہنا تھا کہ امریکہ میں اس وقت ایسٹرازینیکا، مارڈرنا اور فیزر نامی تین کمپنیوں کی جانب سے کورونا وائرس کے ویکیسن کے تیسرے مرحلے کا کلینکل ٹیسٹ کیا جارہا ہے۔ مسٹر ہان نے مزید کہا کہ امریکی صدر ڈونلڈ ٹرمپ نے کہا ہے کہ3 نومبر کے صدارتی انتخابات سے قبل کسی ویکسین کی منظوری دی جاسکتی ہے، اگر ویکسین کے تیسرے مرحلے کے کلینیکل ٹرائل سے پہلے ہمیں لگتا ہے کہ یہ محفوظ اور کارگر ہیں تو اسے منظوری دی جاسکتی ہے۔واضح رہے کہ امریکہ میں کورونا سے متاثرہ افراد کی تعداد 61 لاکھ سے زائد ہوچکی ہے اور اب تک 1,82,786 افراد ہلاک ہو چکے ہیں۔