اسلام آباد(پی این آئی )افغانستان کے خلاف نسیم شاہ کے والد نے کہاہے کہ ہم تو سمجھتے تھے ہمارا بیٹا بولر ہے مگر اس نے بیٹنگ بھی اچھی کی اور چھکے لگائے۔تفصیلات کے مطابق ایشیا کپ 2022 کے سلسلے میں 7 ستمبر کو کھیلے گئے پاکستان اور افغانستان کے درمیان میچ میں نسیم شاہ کی جانب سے پاکستان کو یادگارفتح دلائی گئی۔نسیم شاہ کے والد نے نجی ٹی وی سے گفتگو کرتے ہوئے کہاکہ ہم تو سمجھتے تھے کہ ہمارا بیٹا بولر ہے
مگر اس نے بیٹنگ بھی اچھی کی اور چھکے لگائے۔انہوں نے کہا کہ اللہ کا شکر ہے اس نے ہمارے بیٹے سے یہ کام لیا، سب ہماری اور گاں والوں کی دعاں کا بھی صلہ ہے۔نسیم شاہ کے والد نے بیٹے کو دعا دیتے ہوئے کہا کہ دعا ہے میرا بیٹا ملک و قوم کا اسی طرح نام بلند کرے، مزید کارنامے انجام دے اور ملک و قوم کی خدمت کرے اور ملک کا نام روشن کرے۔دوسری جانب نسیم شاہ کے بھائیوں اور کزنوں نے کہا کہ ہمیں نسیم شاہ کی کارکردگی پر بہت خوشی ہے،
ہمیں امید ہے وہ فائنل میں پہنچے گا اور فائنل میں بھی اچھی کارکردگی دکھا کر ایشیا کپ جیت کر لائے گا۔دوسری جانب متحدہ عرب امارات میں جاری ایشیا کپ ٹی ٹوئنٹی 2022 کے سپر فور مرحلے کے آخری میچ میں حسن علی ڈاسن شاناکا کا کیچ لینے کے بعد افتخار احمد کے ساتھ تھرو بال کھیلنے لگے جس کی ویڈیو وائرل ہوگئی۔ایشیا کپ سپر فور رانڈ کے آخری اور غیر اہم میچ میں پاکستان نے سری لنکا کو 122 رنز کا ہدف دیا تھا،
جسے سری لنکن ٹیم نے پانچ وکٹوں کے نقصان پر حاصل کر لیا۔پاکستان یہ میچ ہار گیا تاہم حسن علی کا ڈاسن شاناکا کا کیچ شائقین کرکٹ کیلئے دلچسپی کا باعث بن گیا۔ڈاسن شاناکا کو آٹ کرنے کے بعد حسن علی اور افتخار احمد نے کیچ پکڑنے کی مشق شروع کردی۔ دونوں کھلاڑیوں کی ویڈیو سوشل میڈیا پر وائرل ہوگئی واضح رہے کہ پاکستان اور سری لنکا کے درمیان ایونٹ کا فائنل اتوار کو ہوگا۔
