کرس گیل کی انٹرنیشنل کرکٹ سے ریٹائرمنٹ، شاہد آفریدی نے کِن الفاظ میں الوداع کیا؟ مداحوں کیلئے بڑی خبر

کراچی(پی این آئی)ویسٹ انڈیز کے سٹار بلے باز کرس گیل اور آل راؤنڈر ڈیوائن براؤ نے آسٹریلیا کے خلاف اپنا آخری ٹی ٹوئنٹی میچ کھیل کر کرکٹ کے میدانوں کو الوداع کہہ دیا ہے ،دنیا بھر سے کرس گیل کے مداح انہیں خراج تحسین پیش کر رہے ہیں،سابق پاکستانی کپتان “بوم بوم” شاہد آفریدی نے بھی جارح مزاج بلے باز کرس گیل کو ریٹائرمنٹ پر خراج تحسین پیش کیا ہے۔

تفصیلات کے مطابق مائیکرو بلاگنگ ویب سائٹ پر ٹویٹ کرتے ہوئےشاہد آفریدی نے ویسٹ انڈیز کے سٹار بلے باز کرس گیل کو انٹرنیشنل کرکٹ سے ریٹائرڈ ہونے پر خراج تحسین پیش کیا۔شاہد آفریدی نے کرس گیل کو شاندار کریئر پر مبارکباد دیتے ہوئے کہا کہ آپ نے پوری دنیا میں نئی نسل کے کھلاڑیوں کو بہت متاثر کیا۔ آخر میں شاہد آفریدی نے کرس گیل کے لیے نیک خواہشات کا اظہار بھی کیا۔

One of the greatest T20I players of all time! Congratulations on a wonderful career @henrygayle . You inspired a new generation of players all around the world, go well Universe Boss 👏

— Shahid Afridi (@SAfridiOfficial) November 6, 2021

واضح رہے کرس گیل اور ڈیوائن براو نے ویسٹ انڈیز کی جانب سے اپنا آخری ٹی ٹوئنٹی انٹرنیشنل ٹی ٹوئنٹی ورلڈکپ کے آخری میچ میں آسٹریلیا کےخلاف کھیلا۔