اسلام آباد،لاہور(مانیٹرنگ ڈیسک، یو این پی)ٹی ٹوئنٹی ورلڈکپ2021 میں شرکت کے لیے بھارت نے پاکستان کرکٹ ٹیم کو ویزے دینے کی منظوری دیدی ۔بھارتی میڈیا کے مطابق پاکستانی کرکٹ شائقین کو ویزے دینے کا فیصلہ بعد میںہو گا۔ بھارتی بورڈ نے ایپیکس کونسل کو ویزوں کے متعلق بتادیا ہے۔ بی سی سی آئی ایپیکس کونسل کی میٹنگ آج ہوئی تھی۔خیال رہے کہ آئی سی سی نے بھارتی بورڈ کو ویزوں سے متعلق ایشوکے حل کے لیے ایک ماہ کی مہلت دی تھی
جنوبی افریقہ کیخلاف ٹی ٹوئنٹی سیریز جیتنے والی قومی ٹیم کے نماز پڑھنے کی تصویر سوشل میڈیا پر وائرل
سینچورین(پی این آئی)جنوبی افریقہ کے خلاف ٹی ٹوئنٹی سیریز جیتنے والی قومی ٹیم کے نماز پڑھنے کی تصویروائرل ہوگئی ۔ تفصیلات کے مطابق سوشل میڈیا پر وائرل ہونے والی تصویر میں دیکھا جاسکتا ہے کہ ہیڈ کوچ مصباح الحق، ٹیم منیجر منصور رانا،فاسٹ بائولرشاہین شاہ آفریدی ،حارث رئوف، دانش عزیز، فخر زمان ، مساجر ملنگ علی اور حیدر علی سمیت سکواڈ کے دیگر ممبران مغرب کی نماز ادا کررہے ہیں، تصویر وائرل ہونے کے بعد سوشل میڈیا صارفین نے قومی ٹیم کے اس عمل کی بے انتہا تعریف کی ۔دوسری جانب جنوبی افریقہ کیخلاف ٹی ٹونٹی سیریز کی کامیابی کے بعد پلیئر آف دی سیریز بابر اعظم کا کہنا تھا کہ کھلاڑیوں کی اچھی کارکردگی نتائج میں جھلکتی ہے تاہم سامنے آنے والی خامیوں کو آرام سے بیٹھ کر دور کرنے کی کوشش ہوگی۔بابر اعظم نے سہولیات کی فراہمی پر جنوبی افریقی بورڈ کا شکریہ ادا کرتے ہوئے کہا کہ قرنطینہ سمیت دیگر تمام مسائل کے باوجود انہوں نے آن اور آف دی فیلڈ دورے کا بھرپور لطف اٹھایا۔قومی کپتان کا کہنا تھا کہ شائقین کی عدم موجودگی میں انہیں سوشل میڈیا پر بھرپور سپورٹ حاصل رہی تاہم انہوں نے اعتراف کیا کہ سیٹ بیٹسمینوں کے آؤٹ ہونے کے بعد مڈل آرڈر پر جو دباؤ آیا اس پر لازمی کام کرنا ہوگا۔بابر اعظم کا کہنا تھا کہ پاکستان سے روانہ ہوتے وقت انہوں نے سوچا تھا کہ 110 فیصد کارکردگی کے ساتھ سیریز جیتنا ہے اور شکر ہے کہ اسے ممکن بنانے میں کامیابی ملی۔
تازہ ترین خبروں کے لیے پی این آئی کا فیس بک پیج فالو کریں
