راولپنڈی (پی این آئی) پشاور زلمی کے آل رائونڈر شعیب ملک بھی انجری کا شکار ہوگئے ہیں، ان کے سیدھے ہاتھ کی ہتھیلی پر فیلڈنگ کے دوران شدید چوٹ آئی ہے اور اگلے چند میچوں میں ان کی شرکت مشکوک ہے۔ پشاور زلمی کے سینئر کھلاڑی کوگیند اس قدر شدت سے لگی کہ ہاتھ میں دو جگہ سے جلد پھٹ گئی اور
سوجن بھی ہوگئی۔ شعیب ملک ملتان سلطانز کے خلاف میچ سے قبل انجری کا شکار ہوئےتھے انہوں نے زخمی ہاتھ کے ساتھ ملتان کا میچ کھیلا تھا۔یاد رہے کہ پاکستان سپر لیگ (پی ایس ایل) میں پشاور زلمی اور کراچی کنگز کی ٹیموں کے درمیان میچ پیر کو پنڈی کرکٹ سٹیڈیم میں کھیلا جائے گا، پشاور زلمی اور اسلام آباد یونایٹڈ کی ٹیموں کے درمیان میچ بارش کے باعث ہفتے کے روز نہیں کھیلا جا سکا تھا۔اس سٹیڈیم میں پانچواں میچ 2 مارچ کو پشاور زلمی اور کراچی کنگز، چھٹا میچ 5 مارچ کو پشاور زلمی اور کوئٹہ گلیڈی ایٹرز ، ساتواں میچ 7 مارچ کو پشاور زلمی اور اسلام آباد یونائیٹڈ کے درمیان کھیلا جائے گا جب کہ 8واں اور آخری میچ 8 مارچ کو ملتان سلطان اور اسلام یونائیٹڈ کے مابین کھیلا جائے گا۔پی ایس ایل میں ملک بھر سے چھ ٹیمیں حصہ لے رہی ہیں جن میں اسلام آباد یونائیٹڈ، کوئٹہ گلیڈی ایٹرز، پشاور زلمی، ملتان سلطانز، لاہور قلندرز اور کراچی کنگز شامل ہیں۔
پاکستان نیوز انٹرنیشنل (پی این آئی) قابل اعتبار خبروں کا بین الاقوامی ادارہ ہے جو 23 مارچ 2018 کو برطانیہ کے دارالحکومت لندن میں قائم کیا گیا، تھوڑے عرصے میں پی این آئی نے دنیا بھر میں اردو پڑہنے، لکھنے اور بولنے والے قارئین میں اپنی جگہ بنا لی، پی این آئی کا انتظام اردو صحافت کے سینئر صحافیوں کے ہاتھ میں ہے، ان کے ساتھ ایک پروفیشنل اور محنتی ٹیم ہے جو 24 گھنٹے آپ کو باخبر رکھنے کے لیے متحرک رہتی ہے، پی این آئی کا موٹو درست اور بروقت اور جامع خبر ہے، پی این آئی کے قارئین کے لیے خبریں، تصاویر اور ویڈیوز انتہائی احتیاط کے ساتھ منتخب کی جاتی ہیں، خبروں کے متن میں ایسے الفاظ کے استعمال سے اجتناب برتا جاتا ہے جو نا مناسب ہوں اور جو آپ کی طبیعت پر گراں گذریں، پی این آئی کا مقصد آپ تک ہر واقعہ کی خبر پہنچانا، اس کے پیش منظر اور پس منظر سے بر وقت آگاہ کرنا اور پھر اس کے فالو اپ پر نظر رکھنا ہے تا کہ آپ کو حالات حاضرہ سے صرف آگاہی نہیں بلکہ مکمل آگاہی حاصل ہو، آپ بھی پی این آئی کا دست و بازو بنیں، اس کا پیج لائیک کریں، اس کی خبریں، تصویریں اپنے دوستوں اور رابطہ کاروں میں شیئر کریں، اللہ آپ کا حامی و ناصر ہو، ایڈیٹر
