کرپشن کیس، 29 سال قید کی سزا سنا دی گئی

اسپیشل جج سینٹرل راولپنڈی نے کرپشن کیس میں ملوث پوسٹ ماسٹر حامد کو 29 سال قید کی سزا سنادی۔

ایف آئی اے کے ترجمان کے مطابق ملزم پر 20 لاکھ 10 ہزار روپے جرمانہ بھی عائد کیا گیا ہے۔ عدالت نے ملزم کو محکمہ ڈاک کو 2 کروڑ 15 لاکھ 25 ہزار 194 روپے واپس ادا کرنے کا حکم بھی دیا۔ ترجمان کے مطابق پوسٹ ماسٹر حامد نے پنشن سیونگ بُک میں 3 کروڑ 52 لاکھ 96 ہزار روپے سے زائد کی بوگس انٹریاں کی تھیں۔

تازہ ترین خبروں کے لیے پی این آئی کا فیس بک پیج فالو کریں

close