پشاور ہائیکورٹ نے مخصوص نشستوں سے متعلق مسلم لیگ (ن) کی درخواست پر تحریری فیصلہ جاری کرتے ہوئے واضح کیا ہے کہ آئین کے تحت ان نشستوں پر کامیاب امیدواروں سے حلف لینا لازمی ہے۔
فیصلے میں کہا گیا ہے کہ عدالت کی جانب سے اسپیکر کو حلف لینے کی ہدایت کی گئی تھی، مگر وہ مختلف وجوہات کی بنا پر ایسا کرنے میں ناکام رہے، جو ان کے آئینی اختیارات کے غلط استعمال کے مترادف ہے۔ عدالت نے یہ بھی قرار دیا کہ مخصوص نشستوں پر کامیاب امیدواروں سے حلف نہ لینا، درخواست گزار کو اس کے قانونی حق سے محروم کرنے کے مترادف ہے۔ ایڈووکیٹ جنرل کی جانب سے عدالت کو آگاہ کیا گیا کہ صوبائی اسمبلی کا اجلاس طلب کر لیا گیا ہے، جس کے بعد عدالت نے یہ درخواست غیر مؤثر قرار دے کر خارج کر دی۔
تازہ ترین خبروں کے لیے پی این آئی کا فیس بک پیج فالو کریں
