کوئٹہ: بلوچستان میں امن و امان کی صورتحال کو مدنظر رکھتے ہوئے دفعہ 144 نافذ کر دی گئی ہے، جس کا باضابطہ نوٹیفکیشن محکمۂ داخلہ بلوچستان نے جاری کر دیا ہے۔
نوٹیفکیشن کے مطابق آئندہ 15 روز کے لیے موٹر سائیکل پر ڈبل سواری اور اسلحہ کی نمائش پر پابندی عائد ہوگی۔ اس کے علاوہ پانچ یا اس سے زائد افراد کے اجتماع، دھرنے اور ریلیوں پر بھی پابندی لگائی گئی ہے۔ نوٹیفکیشن میں مزید کہا گیا ہے کہ مردوں کے لیے نقاب پہننے یا منہ ڈھانپنے پر بھی پابندی عائد ہوگی۔ محکمۂ داخلہ نے واضح کیا کہ گاڑیوں پر کالے شیشے لگانے پر پہلے سے ہی پابندی نافذ ہے۔
تازہ ترین خبروں کے لیے پی این آئی کا فیس بک پیج فالو کریں
