مفت لیپ ٹاپ حاصل کرنے کے خواہشمند طالبعلموں کے لئےاچھی خبر

مفت لیپ ٹاپ حاصل کرنے کے خواہشمند طلبہ کے لیے خوشخبری یہ ہے کہ وزیراعلیٰ پنجاب کی جانب سے مفت لیپ ٹاپ اسکیم کے دوسرے مرحلے کا آغاز ہو گیا ہے۔ صوبے کی تمام پبلک اور منتخب پرائیویٹ یونیورسٹیوں کے طلبہ اس اسکیم کے لیے آن لائن درخواستیں جمع کرا سکتے ہیں، اور ہر طالب علم 15 درخواستیں جمع کروا سکتا ہے۔ اسکیم کے پہلے دن ہی 4,110 درخواستیں موصول ہو چکی ہیں۔

لیپ ٹاپ کی خصوصیات میں Intel Core i7 پروسیسر (13th Generation)، SSD اسٹوریج برائے تیز ترین کارکردگی، اور High-Speed RAM شامل ہے جو ہموار ملٹی ٹاسکنگ کے لیے معاون ہے۔

اہلیت کے معیار کے مطابق درخواست دینے والے طلبہ کو پنجاب کے کسی بھی ضلع کا ڈومیسائل ہونا ضروری ہے اور وہ BS کے 1st یا 2nd سیمسٹر میں زیر تعلیم ہوں۔ اس کے علاوہ یہ اسکیم پبلک میڈیکل، ڈینٹل، نرسنگ کالجز اور DVM طلبہ کے لیے بھی کھلی ہے۔

تعلیمی معیار کے مطابق:
پبلک یونیورسٹیز/کالج: کم از کم 65 فیصد انٹرمیڈیٹ مارکس
پبلک میڈیکل/ڈینٹل یونیورسٹیز: کم از کم 80 فیصد انٹرمیڈیٹ مارکس
DVM طلبہ: کم از کم 75 فیصد انٹرمیڈیٹ مارکس
نرسنگ طلبہ: کم از کم 65 فیصد انٹرمیڈیٹ مارکس

درخواست دینے کے لیے طلبہ آفیشل پورٹل cmlaptophed.punjab.gov.pk پر جا سکتے ہیں۔
آخری تاریخ درخواست جمع کرانے کے لیے 15 فروری 2026 ہے۔