الیکشن کمیشن نے اسلام آباد میں بلدیاتی انتخابات کی تاریخ کا اعلان کر دیا ہے۔ انتخابات 15 فروری کو ہوں گے، اور پولنگ صبح 8 بجے سے شام 4 بجے تک جاری رہے گی۔
ریٹرننگ آفیسرز کاغذات نامزدگی کے لیے 19 دسمبر کو پبلک نوٹس آویزاں کریں گے، جبکہ امیدوار اپنے کاغذات نامزدگی 22 دسمبر سے 27 دسمبر تک جمع کرا سکیں گے۔ کاغذات کی جانچ پڑتال 30 دسمبر سے 3 جنوری 2026 تک ہوگی، اپیلیں 5 سے 8 جنوری تک دائر کی جا سکیں گی، اور ٹربیونلز 9 سے 13 جنوری تک اپیلیں نمٹائیں گے۔ کاغذات نامزدگی واپس لینے کی آخری تاریخ 15 جنوری 2026 مقرر کی گئی ہے، جبکہ امیدواروں کی حتمی فہرست اور انتخابی نشان 16 جنوری کو آویزاں اور الاٹ کیے جائیں گے۔
پولنگ کے نتائج 16 سے 19 فروری کے درمیان مرتب کیے جائیں گے۔
تازہ ترین خبروں کے لیے پی این آئی کا فیس بک پیج فالو کریں
