کراچی (پی ین آئی) ٹریفک پولیس نے عید کی مناسبت سے بازاروں میں رش کے پیش نظر پلان ترتیب دے دیا۔
نجی ٹی وی جیونیوز نے ٹریفک پولیس کے حوالے سے بتایا کہ رش کو کم کرنے کیلئے تین تلوار پر رکشہ، ٹیکسی یا اون کال ٹیکسی کا داخلہ ممنوع ہوگا۔ٹریفک پولیس نے تین تلوارپر رش ہونے کی صورت میں کلفٹن برج ریس کورس، چودھری خلیق الزمان روڈ کا استعمال کرنے کا مشورہ دیا ہے جبکہ طارق روڈ اللہ والی سے اتحاد سگنل تک رکشہ اور ٹیکسی کا داخلہ ممنوع ہوگا۔اسی طرح صدر، فوارہ چوک سے جی پی او اور سنگر چوک سے زیب النساءتک رکشہ، ٹیکسی کا داخلہ ممنوع ہوگا جبکہ جامع کلاتھ تبت چوک سے عید گاہ چوک تک رکشہ اور ٹیکسی کا داخلہ بھی ممنوع ہوگا۔
ٹریفک پولیس کے مطابق ملینیئم ڈرگ روڈ سے آنے والی ٹریفک ملینیئم برج سے نیپا جاسکے گی، حیدری مارکیٹ والی سڑک پر رکشہ اور ٹیکسی کا داخلہ ممنوع ہوگا، نارتھ کراچی سے کمرشل ٹریفک کو 5 سٹار چورنگی سے شپ اونر چورنگی اور لنڈی کوتل چورنگی موڑا جائیگا جبکہ بورڈ آفس سے ٹریفک کے ڈی اے چورنگی سے ضیاءالدین چورنگی اور پہاڑ گنج موڑا جائیگا۔
تازہ ترین خبروں کے لیے پی این آئی کا فیس بک پیج فالو کریں
