پشاور (پی این آئی) خیبرپختونخواہ حکومت کا16 ہزار ملازمتیں دینے کا فیصلہ، صوبے کے نوجوانوں کو روزگار کی فراہمی اور معیاری تعلیم کے فروغ کیلئے 16 ہزار سے زائد نئے اساتذہ بھرتی کیے جائیں گے۔
تفصیلات کے مطابق خیبرپختونخواہ میں تحریک انصاف کی صوبائی حکومت کی جانب سے صوبے میں بے روزگاری میں کمی لانے اور نوجوانوں کو روزگار کی فراہمی کیلئے اہم فیصلہ کیا گیا ہے۔خیبرپختونخواہ حکومت نے صوبے بھر میں 16 ہزار سے زائد اساتذہ کو بھرتی کرنے کا فیصلہ کیا ہے۔ اس حوالے سے محکمہ تعلیم کے پی نے کہا ہے کہ نئی بھرتیاں معیاری تعلیم کے فروغ کے لیے کی جارہی ہیں، صوبے میں نئی بھرتیوں سے نوجوانوں کو روزگار بھی فراہم ہوگا۔ محکمہ تعلیم کے پی کی جانب سے مزید کہا گیا ہے کہ اسامیوں کی تفصیلات محکمہ تعلیم کی ویب سائٹ پر جلد مشتہر کی جائیں گی جس کے ذریعے امیدوار اپلائی کرسکیں گے۔
تازہ ترین خبروں کے لیے پی این آئی کا فیس بک پیج فالو کریں
