پشاور (پی این آئی) پی ٹی آئی کی جانب سے نامزد وزیراعلیٰ خیبرپختونخواعلی امین گنڈا پور کی زیرصدارت پارلیمانی پارٹی کا اجلاس ہوا۔
اجلاس میں ہزارہ ڈویژن کو بھی اہم وزارتیں دینے پر غور کیا گیا، ہری پور سے اکبر ایوب خان اور مشتاق احمد غنی کو کابینہ میں لینے کا فیصلہ کیا گیا۔مانسہرہ سے بابر سلیم سواتی، منیر لغمانی کو صوبائی کابینہ میں شامل کرنے پر بھی غور کیا گیا، ہزارہ ڈویژن کے منتخب ارکان صوبائی اسمبلی نے علی امین گنڈا پور پر اظہار اعتماد کیا۔ہزارہ ڈویژن کے منتخب ارکان صوبائی اسمبلی نے پارٹی پالیسیوں پر چلنے کی یقین دہانی کرائی، ہزارہ ڈویژن کے ارکان کو کون کون سی وزارتیں دی جائیں گی اس کا حتمی فیصلہ بانی پی ٹی آئی کریں گے۔
تازہ ترین خبروں کے لیے پی این آئی کا فیس بک پیج فالو کریں
