نواب شاہ(آئی این پی)پاکستان پیپلز پارٹی کے شریک چیئرمین و سابق صدر آصف علی زرداری نے کہا ہے کہ پاکستان پیپلز پارٹی آئندہ انتخابات میں بہترین منشور کے ساتھ میدان میں اترے گی۔آصف علی زرداری نے نواب شاہ میں پارٹی کارکنوں سے ملاقات کی، اس موقع پر سابق وزیر اعلی مراد علی شاہ، ضیا الحسن لنجار، علی حسن زرداری بھی موجود تھے۔سابق صدر نے کہا کہ الیکشن کے دوران ملک بھر میں موثر انتخابی مہم چلائیں گے، پیپلز پارٹی “عوام کے فیصلے اور عوام کے اختیار” فارمولے پر یقین رکھتی ہے۔
انہوں نے کہا کہ جب عوام کو حق حکمرانی ملتا ہے تو گراس روٹ کی سطح تک مسائل حل ہوتے ہیں، پیپلز پارٹی عوامی جماعت ہے ہر دور میں عوامی راج کے نفاذ کے لئے کام کیا۔آصف علی زرداری نے کہا کہ پیپلز پارٹی نے ہر دور میں ملک کو بحرانوں میں سنبھالا، عوام کی خدمت کی بدولت اقتدار میں آئیں گے۔
تازہ ترین خبروں کے لیے پی این آئی کا فیس بک پیج فالو کریں
