راولپنڈی +کوئٹہ +سبی(آئی این پی)چیف آف آرمی اسٹاف جنرل قمرجاوید باجوہ نے کہا ہے کہ سیلاب زدہ علاقوں میں مصیبت زدہ لوگوں کی بحالی کے لئے تمام اقدامات کیے جارہے ہیں، ہمارے ملک کے افراد کی حفاظت اور بہبود سب سے پہلے آتی ہے اور ہم اس وقت تک آرام نہیں کریں گے جب تک کہ سیلاب سے متاثرہ ہر ایک کو نہ صرف پہنچایا جائے بلکہ اس کی بحالی نہ ہو جائے، چاہے کتنی ہی کوشش کی ضرورت ہو۔ پاکستانی عوام ہماری ترجیح ہے اور ہم اس مشکل وقت میں ان کی مدد کے لیے کوئی کسر اٹھا نہیں رکھیں گے۔
ہفتہ کو آئی ایس پی آر کے جاری کردہ بیان میں کہا گیا کہ آرمی چیف جنرل قمر جاوید باجوہ نے ہفتہ کے روز بلوچستان کے سیلاب سے متاثرہ علاقوں کا دورہ کیا۔ آرمی چیف گوٹھ صدوری، لاکھڑا، لسبیلہ میں قائم فلڈ ریلیف اور میڈیکل کیمپ گئے اور سیلاب سے متاثرہ مقامی لوگوں کی خیریت دریافت کی۔ آرمی چیف نے امدادی کارروائیوں میں مصروف فوجیوں سے بھی ملاقات کی اور مصیبت میں گھرے مردوں، خواتین اور بچوں کی خدمت میں ان کی کوششوں کو سراہا۔ ہمارے ملک کے مردوں کی حفاظت اور فلاح سب سے پہلے آتی ہے اور ہم اس وقت تک آرام سے نہیں بیٹھیں گے جب تک کہ سیلاب سے متاثرہ ہر ایک کو نہ صرف پہنچایا جائے بلکہ اس کی بحالی نہ ہو جائے، چاہے کتنی ہی کوشش کیوں نہ کی جائے۔
پاکستانی عوام ہماری ترجیح ہے اور ہم اس مشکل وقت میں ان کی مدد کے لیے کوئی کسر اٹھا نہیں رکھیں گے۔ سی او اے ایس نے سیلاب سے متاثرہ علاقوں میں بچاؤ، راحت اور لوگوں کی بحالی اور انفراسٹرکچر کے لیے سول انتظامیہ کی مدد کے لیے تمام دستیاب وسائل کو بروئے کار لانے کی ہدایت کی۔ ہمیں حکم کا انتظار کیے بغیر اپنے ضرورت مند بھائیوں اور بہنوں تک پہنچنا چاہیے اور اس قدرتی آفت پر قابو پانے میں ان کی مدد کرنی چاہیے، آرمی چیف نے ہدایت کی۔
تازہ ترین خبروں کے لیے پی این آئی کا فیس بک پیج فالو کریں
