لاہور(آئی این پی) نیب نے سابق وزیر اعلیٰ شہباز شریف کے داماد علی عمران یوسف سے ریکوریاں شروع کردیں۔تفصیلات کے مطابق علی عمران یوسف کی ملکیت میں 5کمپنیوں میں شیئرز اور 2پلازوں میں اثاثے سامنے آئے۔ نیب لاہور نے ان کی ملکیت ثابت ہونے والی پراپرٹی سے 2 کروڑ 40 لاکھ روپے سے زائد کی رقم ریکور کر لی۔احتساب عدالت نے علی عمران یوسف کی جانب سے نیب کو ریکوری کرنے سے روکنے کی درخواست کو مسترد کردیا۔
نیب نے کیس کے مرکزی کردار پنجاب پاور ڈیولپمنٹ کمپنی کے سابق چیف فنانشل آفیسر ملزم اکرام نوید سے پلی بارگین کے بعد شریک ملزموں علی عمران اور رابعہ عمران کیخلاف مارچ 2021 میں سپلیمنٹری ریفرنس داخل کیا جس میں دونوں سے 23 کروڑ 34 لاکھ مالیت کی رقم قابل وصول ظاہر کی گئی۔نیب کی جانب سے عمی عمران کی فریز کروائی گئی جائیدادوں میں علی ٹاور لاہور میں 67 یونٹس، علی ٹریڈ سینٹر لاہور میں 50 یونٹس(دکانیں، دفاتر اور اپارٹمنٹس) ایس ای سی پی میں رجسٹرڈ 5 مختلف کمپنیوں میں شیئرز شامل ہیں۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
