پلان ’اے‘ اور پلان ’بی‘ کی ناکامی کے بعد تحریک انصاف نے پلان’سی‘ پر عملدرآمد شروع کردیا

اسلام آباد ( پی این آئی ) پاکستان تحریک انصاف نے پلان سی پر کام شروع کردیا جس کے تحت پارٹی کے ووٹرز اپنے حلقہ میں پی ٹی آئی امیدوار اور اس کے انتخابی نشان کی معلومات آسانی سے حاصل کر سکیں گے۔

PTI Social Media Team has created a portal to search for candidate name & symbol. See video below showing a search for “NA1” & the results with candidate name & symbol. We are just waiting for data for each candidate before we go LIVE! #ChallengeAccepted #PrimeMinisterImranKhan pic.twitter.com/BhI4bOfIfJ

— PTI (@PTIofficial) January 14, 2024

تفصیلات کے مطابق بلے کے نشان سے محروم ہونے کے بعد پی ٹی ائی نے نئی سوشل میڈیا حکمت عملی بنالی، جس کے باعث پارٹی کے حامی ووٹرز اپنے امیدواروں کے انتخابی نشانات کے بارے میں معلومات ایک سرچ سے حاصل کر سکیں گے، جس کے لیے پی ٹی ائی نے ایک سرچ ایبل ڈیٹا بیس کی تیاری شروع کردی ہے، جس میں پارٹی کے تمام امیدواروں کے نام، حلقے اور انتخابی نشانات کی معلومات شامل کی جائیں گی۔پارٹی نے اپنے سوشل میڈیا پلیٹ فارمز پر بتایا کہ پی ٹی آئی کی سوشل میڈیا ٹیم نے ایک ویب پورٹل تیار کر لیا ہے جہاں پر صارفین حلقہ نمبر کے ذریعے پارٹی امیدوار اور اس کے انتخابی نشان کی معلومات حاصل کر سکیں گے، امیدواروں کا ڈیٹا موصول ہوتے ہی اس پورٹل کو فعال کر دیا جائے گا۔

واضح رہے کہ تحریک انصاف سے “بلا” چھن گیا، سپریم کورٹ نے پی ٹی آئی انٹرا پارٹی الیکشن سے متعلق پشاور ہائیکورٹ کا فیصلہ کالعدم قرار دے دیا، سپریم کورٹ آف پاکستان نے تحریک انصاف کو بلے کا انتخابی نشان واپس کرنے کا پشاور ہائیکورٹ کا فیصلہ کالعدم قرار دیتے ہوئے الیکشن کمیشن آف پاکستان کا فیصلہ بحال کر دیا، عدالتی فیصلے میں کہا گیا ہے کہ پشاور ہائیکورٹ کا تحریک انصاف کا انتخابی نشان بلے کو بحال کرنے کا فیصلہ کالعدم قرار دیا جاتا ہے، ایک وقت میں 2 ہائیکورٹس میں ایک کیس نہیں چل سکتا۔