اسلام آباد(پی این آئی)پاکستان پیپلز پارٹی کے چیئرمین بلاول بھٹو نے کہا ہے کہ ہم اپنی تاریخ کو دیکھتے ہوئے ایسے بیانات کو سنجید گی سے لیتے ہیں،عمران خان کے حالیہ بیان کیخلاف عدالت جانے کافیصلہ کیا ہے،عمران خان کی پارٹی آج تک دہشت گردوں کو فنڈز فراہم کرتی ہے، مجھ پر یا خاندان پر حملہ ہوا تو ان تمام باتوں کو مدنظر رکھا جائے۔سابق صدر آصف علی زرداری سے متعلق عمران خان کے بیان پر ردعمل دیتے ہوئے انہوں نے کہا کہ ماضی میں دہشتگرد تنظیموں کی جانب سے مجھے اور میری پارٹی کودھمکیاں دی گئیں،
اب عمران خان نے میرے والد آصف زرداری پر جھوٹے الزامات لگائے ہیں جس سے میرے خاندان کیلئے خطرات بڑھ گئے ہیں۔بلاول نے کہا کہ عمران خان اقتدار میں تھا تو اس نے دہشتگردوں کو رہا کیا، اس طرح کی گفتگو کو اپنے اوپر حاوی نہیں ہونے دے سکتے،ہم اپنی سیاست کو زہر آلود نہیں کر سکتے۔ایسے رویےہماری جمہوریت کو نقصان پہنچا سکتے ہیں۔انہوں نے کہا کہ دہشتگردی کا شکار ہونے اور فرنٹ مین کے پروپیگنڈے کو برداشت نہیں کریں گے۔عمران خان نے اب میرے والد اور سابق صدر پر جھوٹے الزامات لگائےہیں۔
تازہ ترین خبروں کے لیے پی این آئی کا فیس بک پیج فالو کریں
