کراچی (پی این آئی) امریکی شہر نیویارک کے بعد پاکستان کا سب سے بڑا شہر کراچی دنیا میں سب سے زیادہ منشیات استعمال کرنے والا شہر ہے، جہاں چرس، ہیروئن، آئس اور کرسٹل سمیت ہر نشہ آسانی سے دستیاب ہے۔ کراچی شہر میں سڑکیں ہوں یا انڈر پاس، جگہ جگہ نشے میں دھت افراد مل جاتے ہیں، تشویشناک صورتحال یہ ہے کہ پوش علاقوں کے طالب علم بھی نشے کی لعنت کا شکار ہیں۔ شہری حلقوں کا کہنا ہے کہ پولیس کی ناک کے نیچے کالا دھندہ جاری ہے،
لیکن تشویش کی بات یہ ہے کہ انسداد منشیات فورس نے بھی اس معاملے میں خاموشی اختیار کر رکھی ہے۔ شہریوں کا کہنا ہے کہ کراچی میں نشہ بیچنے اور خریدنے والوں کا اتا پتا ہر کسی کو معلوم ہے مگر کسی کے کان پر جوں نہیں رینگتی۔ میڈیا رپورٹس کے مطابق حکومت سندھ نے صوبے میں منشیات کے عادی افراد کی بحالی کے سینٹرز بنانے کا فیصلہ کر لیا ہے۔۔۔۔
